НҮБ хоригдож буй жагсагчдыг суллахыг шаарджээ

Twitter Print
2021 оны 03-р сар 09-нд 11:08 цагт
Мэдээний зураг,

НҮБ Мьянмарын армиас Янгон хотын нэгэн орон сууцны хороололд гацаад буй жагсагчдыг явуулахыг шаарджээ. Эх сурвалжуудын мэдээлж байгаагаар Мьянмарын арми өнгөрсөн даваа гарагаас хойш Янгон хотын нэгэн орон сууцны хорооллыг хамгаалалтанд авсан ба тус хороололд даваа гарагийн жагсаалд оролцсон 200 орчим хүн гацжээ.

Өнгөрсөн сарын 1-нд Мьянмарын арми цэргийн эргэлт зохион байгуулсныг мьянмарчууд эсэргүүцэн өнөөдрийг хүртэл тасралтгүй жагсаал цуглаан зохион байгуулсаар байгаа билээ. Өнөөдрийн байдлаар жагсаалын үеэр хууль сахиулагчдын гарт 54 гаруй хүн амиа алдаад байна. НҮБ-аас мэдээлж байгаагаар Мьянмарын хууль сахиулах албаныхан хамгаалалтанд авсан хорооллын бүх айлуудаар нэг бүрчлэн явж, жагсаалд оролцсон иргэдийг хайж байгаа ба тус хорооллын оршин суугчдын Facebook нийгмийн сүлжээнд бичсэнээр хууль сахиулагчид 20 гаруй хүнийг баривчлаад байгаа гэнэ.

НҮБ-ын Ерөнхий нарийн бичгийн дарга Антониу Гутерреш Мьянмарын армиас "эрээ цээргүй" үйлдлээ даруй зогсоож, ямар нэг хүч хэрэглэлгүйгээр жагсаал цуглааны үеэр саатуулсан бүх иргэдийг суллахыг шаарджээ. Түүний хэлж байгаагаар өнгөрсөн даваа гарагт саатуулагдсан иргэдийн дийлэнх нь Олон улсын эмэгтэйчүүдийн эрхийг хамгаалах өдөртэй холбоотойгоор тайван жагсч байсан эмэгтэйчүүд аж Үүнтэй холбоотойгоор Янгон хотод иргэд цагдаа нарыг дээрх орон сууцны хороололд гацсан иргэдийг гаргахыг шаардан жагсчээ. Үүний хариуд цэрэг цагдаа нар жагсагчдыг тараахын тулд буу, дуут тэсрэх бөмбөг зэргийг ашигласан байна.

Эх сурвалж: BBC

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.