А.Меркель халдварын тархалтын эсрэг хатуу арга хэмжээ авахыг уриалжээ

Twitter Print
2021 оны 11-р сар 23-нд 11:14 цагт
Мэдээний зураг,

ХБНГУ-ын канцлер Ангела Меркель Европын хамгийн том эдийн засаг болох ХБНГУ дахь халдварын тархалтыг хумихын тулд өнөөдрийг хүртэл авсан арга хэмжээнүүд нь хангалтгүй байсан хэмээн илүү хатуу арга хэмжээ авах шаардлагатай хэмээн намынхаа удирдлагуудад мэдэгджээ. Тэрээр, "Бид маш хүнд нөхцөл байдалд байна. Одоо авч байгаа арга хэмжээнүүд хангалттай үр дүнтэй байж чадахгүй байна." хэмээн онцолжээ.

Германд коронавирусын халдвар энэ оны эхээр коронавирусын эсрэг вакциндаа хамрагдсан өндөр настнууд болон вакцин хийлгээгүй хүүхдүүдийн дунд ихээр тархаж байгаа аж.

Өнөөдрийн байдлаар Германы хүн амын 79 хувь нь коронавирусын эсрэг вакцины хоёр тунд хамрагдаад байгаа ба харин нэмэлт тунд 7.5 хувь нь л хамрагджээ.

Өнгөрсөн даваа гарагт л гэхэд тус улсад коронавирусын халдварын 30 643 тохиолдол, уг вирусын халдварын улмаас нас барсан 62 тохиолдол тус тус бүртгэгджээ.

Халдвартай өвчтнүүдээр дүүрч, өндөр ачаалалтай ажиллаж буй эмнэлгүүдийн байрлаж буй бүсүүдэ болон дүүргүүдэд олон нийтийн үйл ажиллагаа, үйлчилгээтэй холбоотой хязгаарлалтуудыг тогтоогоод байна.

А.Меркелийн мэдэгдсэнээр одоо авч буй арга хэмжээнүүд болон коронавирусын эсрэг вакцинжуулалт дангаараа үр дүнгүй бөгөөд тэрээр ХБНГУ-ын 16 холбооны мужийн удирдлагуудад хатуу арга хэмжээ авахыг уриалжээ.

Зарим мужууд Зул сарын үзэсгэлэн яармагуудыг цуцлаад байгаа ба ихэнх мужуудад коронавирусын эсрэг вакцинд бүрэн хамрагдсан болон коронавирусын халдвар аваад эдгэрсэн иргэд үйлчилгээний газруудаар чөлөөтэй үйлчлүүлж байна.

Эх сурвалж: Reuters

Содномцэрэнгийн Энхзаяа 

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.