Жоковичийг хөөсний хариуд Серби Rio Tinto компанийн лити олборлох төслийг зогсоолоо

Twitter Print
2022 оны 01-р сар 26-нд 12:01 цагт
Мэдээний зураг,

Сербийн алдарт теннисчин, дэлхийн чансааг тэргүүлэгч Новак Жоковичийг тэмцээнд оролцохоор очиход нь Австралийн Засгийн газраас визийг нь цуцалж, албадан гаргасан билээ.

Шалтгаан нь Новак вакцин хийлгээгүй явдал байлаа. Энэ явдалд дургүйцсэн Сербийн Засгийн газар болон Ерөнхийлөгч нь Австралид эсэргүүцэл илэрхийлж байсан билээ.

Удалгүй хариуг нь барьж, Австралийн "Rio Tinto" компанийн Серби дэх лити олборлох төслийг зогсоолоо.

Тус компанийг мэдээллээ дутуу танилцуулсан хэмээн буруутгасан байна.

"Rio Tinto" компанийн Ерөнхий захирал Якоб Стаушолм “Бид Сербийн хууль тогтоомжийг хатуу чанга баримталсан. Энэ явдал тус улсыг ногоон эдийн засагт шилжихэд нь том саад болж магадгүй. Лити бол Европ тив цаг агаарын өөрлөлттэй тэмцэхэд чухал үүрэгтэй юм” гээд шүүхэд заргалдахад бэлэн байгаагаа илэрхийллээ.

Асуудал ийн хурцадсанаар 2.4 тэрбум ам.долларын өртөгтэй энэ төсөл цаашид хэрхэх нь тодорхойгүй болжээ.

М.Сугар-Эрдэнэ

АНУ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.