ӨӨХ ШАТААХ ПРОЦЕССЫГ ТАЙЛБАРЛАХ НЬ
Хүний биеийн арьсан доорх өөхөн давхарга, чацархай, сэмж, дотор эрхтэн зэрэгт өөхөн хуримтлал үүсдэг. Чацархай, сэмж хэсэгт өөхөн хуримтлал нэмэгдэхийг анагаах ухаанд хэвлийн таргалалт гэж нэрлэдэг.
Хэвлийн өөх шатах процесс нь өөхний эс (адипоцит) дотор явагддаг. Хэвлийн өөхжилт нь өөхний эс дотор хуримтлагдсан өөхөн дусал (триглицерид) билээ. Биохимийн урвалаар триглицерид нь глицерол + өөхний хүчил болно. Өөхний хүчил нь цаашаа нүүрс хүчлийн хий + ус болтлоо задардаг.
Энэ процессыг өөх шатаах (fat burning) буюу липолиз гэж нэрлэдэг. Өөх шатаалт сайн явагдахад дараах хүчин зүйлс чухал нөлөөтэй.
1. Өдөрт 8 аяга ус уух
2. Илчлэг хоногт 1500 ккал авах (хэвийн үед 2000 ккал илчлэг авдаг)
3. Цусны эргэлт нэмэгдүүлсэн хөдөлгөөн хийх (өглөөдөө 108 сунаж мөргөх үр дүнтэй)
4. Гүн нойр авах. 22 цагаас өмнө унтах. 18 цагаас хойш каффейн агуулсан хүнс хэрэглэхгүй байх.
5. Эслэгт хүнс түлхүү хэрэглэх. Өтгөнөө өдөр бүр гадагшлуулах зэрэг хүчин зүйлс чухал нөлөөтэй.
15-64 насны 2 хүн тутмын 1 нь илүүдэл жин, таргалалтанд өртөөд байна.
Мөн 6-11 насны 3 хүүхэд тутмын 1 нь илүүдэл жин таргалалтанд өртөөд байна. Юу олдсоныг нь идэх бус таны биед юу тустайг нь сонгож хэрэглэж байгаарай.
Энэ мэдээ танд таалагдаж байвал LIKE хийгээрэй. Танд баярлалаа.
