МАГНИ ЯМАР ХЭРЭГТЭЙ ВЭ?
Магни организмын 500 шахуу биохимийн урвалд оролцдог чухал элемент юм. Магнийн дутагдал баруун Европын улсуудад их байдаг ба шинжилгээгээр магни цусанд голдуу хангалттай их гэж гардаг тул оношлоход бас түвэгтэй байдаг.
Франц улсад 8000 гаруй хүнд судалгаа хийхэд 80% нь магнийн дутагдалтай гэсэн дүн гарсан байна. Газрын хөрс болон усанд магни байхгүй болоход ногоо жимсэнд бас байхгүй болдог байна. Ногоо жимсэнд агуулагддаг магни 50 жилийн өмнөх үеэс 30-40% бага болсон гэсэн судалгаа бий.
Магни дутагдахад хүн тамир тэнхээгүй болж амархан ядрана яагаад гэвэл магни нь энерги үүсэх, тээвэрлэх, хуваарилах зэрэг чухал процесст оролцдог байна.
Магни организмд бүх төрлийн уургийн нийлэгжилтэд оролцдог. Гормон, энзим, болон булчингийн эдэд уураг шинээр үүсэхэд оролцохоос гадна гажиг, эмгэг уураг үүсэхээс хамгаалж байдаг.
Магни дутагдахад Д-вит задрахгүй болж организм энэ витамины дутагдлыг арилгаж чадахгүй болдог. Магни мэдрэлийн системийг тайвшруулж, нойргүй болохоос сэргийлдэг. Магни дутагдахад кальцийн ион яс, шүднээс зөөлөн эдрүү очиж тэнд шохойжилт үүсгэх ба харин яс хэврэгшиж остеопороз үүсдэг.
Жирэмсний үед дотор муухайрах, бөөлжүүлэх зовиур нь магни дутагдалтай хүнд голдуу тохиолддог ба их бөөлжүүлэхэд организм магнигаа алдаж магни-н дутагдал улам гүнзгийрдэг байна.
Магни дутагдахад бүх булчингийн эсүүд агшилтын байдалд орж гүйцэт тэлэхгүй болж тухайн эрхтэнд ямар нэг зовиур гардаг байна. Жишээ нь: толгой өвдөх, хараа муудах, хоолой аргах, ханиалгах, ходоод гэдэс өвдөх юмуу дүүрэх, өтгөн хатах, олон шээдэг болох, хөл гар ирвэгнэх, булчин татах, цээж давчдах, цээжээр өвдөх, зүрх дэлсэх, өмнө нь даралт ихэсдэггүй байсан хүн гэнэт даралт нь ихсэх юмуу багасаж тогтворгүй болж зүрхний ажиллагаа хэвийн биш болдог.
Магни нь кальцийн ионы антагонист тул эсэд кальци хуримтлагдахаас сэргийлдэг байна. Хэрэв эсэд магни багасаж кальци нь их болвол эсийн митохондри шохойжиж үйл ажиллагаагаа явуулж чадахгүй болдог. Эсэд энерги үүсэхгүй болоход тухайн эс шинээр эс үүсгэж чадахгүй болж эс үхэж эхэлдэг. Эсэд энерги үүсэх, тэр үүссэн энергийг нөөцлөх, тээвэрлэх болон үр ашигтай зарцуулах нь бүгд магни-н ионы оролцоотой явагддаг.
Организмд магни багасахад кальцийн ион их болж организмын зөөлөн эдэд хуримтлагддаг ба ялангуяа зүрхний булчин болон судасны хананд хуримтлагдаж судсыг хатууруулдаг байна.
Профессор Seelig магнийн тухай "Magnesium Factor" гэдэг ном бичсэн ба уг номондоо эсэд магни дутагдахад:
-Эсэд явагддаг олон төрлийн биохимийн болон биосинтезийн урвалыг явуулах энерги дутагдана
-Эс Na-ийн ионыг гадагшлуулж оронд нь К-ийн ионыг татан авч чадахгүй болдог
-Эс дотор байгаа кальцийн ионыг саармагжуулж чадахгүй болж эс шохойждог гэж бичсэн байдаг гэнэ.
Andrea Rosanoff-ийн хийсэн судалгаагаар магни дутагдахад :
1.Зүрхний булчин амарч чадахгүй болж зүрний хэм алдагдах болон зүрхний булчингийн дутагдал болдог.
2.Судасны хананы булчингийн эсүүд нь амарч чадахгүй болж судас байнга агшилттай байдаг ба даралт ихсэх ,зүрний цусан хангамжийн дутагдал зэрэг өвчнүүдийг улам хүндрүүлэхээс гадна хүнд хэлбэрийн мигрень өвчин үүсэх шалтгаан болдог.
3.Их биеийн булчингийн эсүүд инсулинд мэдрэг биш болж чихрийн өвчний 2-р хэлбэр үүсэх нөхцөл бүрдүүлнэ.
4.Цусны эсүүд нь хоорондоо амархан наалдаж цус өтгөрч шигдээс, цус харвалт болох нөхцөл бүрдүүлдэг.
5.Нойр булчирхайн бетта эс инсулиныг ихээр ялгаруулж цусанд инсулин ихсэж, таргалалт, хавдар үүсэх магадлал ихсэнэ.
Магни дутагдахад кальцийн ион цусруу орж судасны хана, үе мөчид очиж наалдан тухайн эрхтнийг эмзэг болгодог байна. Тиймээс үе мөч болон нурууны булчингууд гүйцэт сулрахгүй болж өвдөмтгий болдог.
Магни дутагдахад кальцийн ион их болж чөлөөт радикалуудыг ихэсгэж оксидативный стрессийг эрчимжүүлдэг байна.
1978 онд проф. Heikki Karppanen ахлагчтай эрдэмтэд шигдээсээр нас барсан хүмүүст хоолонд нь кальци, магни ямар хэмжээтэй байсныг 1 жилийн турш судалсан байна. Уг судалгаагаар кальци их хэрэглэдэг орнуудад үхэл ихтэй байсан ба ялангуяа АНУ, Голланд, Финлянд зэрэг сүүн бүтээгдэхүүний хэрэглээ өндөртэй улсуудад хамгийн их үхэлтэй байжээ. Харин далайн ургамал болон зөөлөн биет, шар буурцаг зэрэг магни ихтэй хоол хэрэглэдэг Япон улсад үхэл хамгийн бага байжээ.
Магни дутагдахад эсийг хамгийн хүчтэй антиоксидант болох глютатион нь үүсэхгүй болж чөлөөт радикалаас эсийг хамгаалж чадахгүй болдог ба үүнээс болж эсийн гэмтэл ихсэж хүн төрөл бүрийн өвчнөөр өвчилж эхэлдэг.
2018 онд dr. Donogh Maguire ахлагчтай эрдэмтдийн судалгаа хэвлэгдсэн ба магни дутагдахад теломер хэврэгшиж амархан гэмтэж богиносдог болохыг баталсан байна. Магни теломераза ферментийг идэвхжүүлж ДНК болон теломерийг бат бөх болгож шохойжихоос хамгаалдаг болохыг энэ судалгааны багийнхан баталсан байдаг. Теломер богино болоход бүх архаг өвчин эмчлэгдэхгүй болж хүний нас богиносдог.
Америкийн биохимич Mark McCarry-ийн хийсэн судалгаагаар цагаан гурил биш бүхэл үрийн гурил нь чихрийн өвчин , зүрхний өвчин, цус харвалт болон хавдраас хамгаалах ач холбогдолтой болохыг баталсан ба үүний шалтгаан нь бүхэл үрийн гурилд магни агуулагддаг байна.
Магни дутагдахад үрэвслийн маркерууд ихсэж хүн өвчлөмтгий болж, амархан хөгширч, нас богиносдог байна.
Профессор Seelig стрессийн үед бөөрний дээд булчирхай адреналиныг ихээр ялгаруулдаг ба энэ үед шээсээр их хэмжээний магни ялгарч эд эс болон цусанд магни-н дутагдал улам ихэсдэг болохыг баталсан байна.
Кофе уухад. шээсээр магни-г хөөж гаргадаг тул магнийг багасгадаг байна.
Хулууны үр, шпинач, гурвалжин будаа, шар буурцаг, эрдэнэшиш, гашуун школад, болон мигдал самарт магни их агуулагддаг байна.
Эрдэмтдийн судалгаагаар 6-10мг/кг магни хэрэглэх ёстой бөгөөд өдрийн дозыг хэд хуваах ба нэг удаа 150-200 мг-ээс хэтрүүлэхгүй уух ёстой(нэг дор их уувал организм шингээж авч чаддаггүй) бөгөөд орой унтахын өмнө арай их дозоор уувал гэдэсний салстаар шимэгдэх нь сайн байдаг байна.
Магнийг ихээр хэрэглэвэл гүйлгээд юмуу шээсээр гарчихдаг тул ихдэнэ гэж айх шаардлага байхгүй юм байна. Тиймээс аль болох магни хэрэглэхийг хичээгээрэй.
БАДРАХЫН БАЯРСАЙХАН
КРАКОВ хот
Энэ мэдээ танд таалагдаж байвал LIKE хийгээрэй. Танд баярлалаа.
