Угаалгын газар хонуулсан машиныг согтуу угаагч хулгайгаар унаж яваад онхолджээ

Twitter Print
2014 оны 11-р сар 26-нд 17:24 цагт
Мэдээний зураг,

Өчигдөр буюу 2014 оны 11-р сарын 25-ны шөнө 03:00 цагийн орчим иргэн А гэгч “Ланд 200” маркын автомашинтай онхолдсон осол гарсан байна. Замын цагдаагийн газрынхан ослын  газар очиж шалгахад тухайн автомашин жолоодож явсан иргэн А гэгч нь Циркийн орчимд байрладаг “Платинум” гэдэг угаалгын газар угаагчаар ажилладаг гэж өөрийгөө танилцуулсан байна. Харин унаж явсан машин нь тухайн угаалгын газарт угаалгаад тэнд нь төлбөрийг нь төлөөд грашийн зориулалтаар хонуулдаг байсан өөр иргэний машин байсан бөгөөд согтууруулах ундаа хэрэглэсэн угаагч залуу хүний машиныг зөвшөөрөлгүй унаж яваад ийнхүү осолдсон байсан аж.  

Осол гаргасан иргэн А нь автомашин жолоодох эрхгүй байжээ. Харин түүний биеийн байдал одоогоор гайгүй байгаа гэдгийг Замын цагдаагийн газрын эх сурвалж хэлсэн юм. Иргэн А тайлбарлахдаа “Хоёр найзтайгаа нэг шил архи хувааж уусан. Тэгээд хүний машин унаж найз охиноо хүргэж өгчихөөд буцаж явах замдаа осол гаргасан. Манай угаалгын газар грашийн зориулалтаар тавьсан байсан машиныг аваад гарчихсан юм” хэмээн ярьсан байна. 

Тиймээс Замын цагдаагийн газраас иргэд, жолооч нартаа автомашинаа хэнд, хаана хадгалуулж байгаагаа анхаарч байх ёстойг санууллаа. Улмаар автомашинаа харуулах гэж байгаа бол гэрээ  байгуулж, ямрваа нэг асуудал гарвал хохиролоо барагдуулах тал  дээр анхаарч байх ёстой хэмээсэн юм. Өмнө нь мөн ийм төрлийн хэрэг нэг бус удаа гарч байв.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.