Хятад улс хөлбөмбөгчидөө шивээс хийлгэхийг хориглолоо

Twitter Print
2021 оны 12-р сар 31-нд 16:28 цагт
Мэдээний зураг,

Хятад улс хөлбөмбөгчидөө шивээс хийлгэхийг хориглолоо. Энэ нь тус улсын шивээсийг хориглосон анхны тохиолдол биш бөгөөд 2018 онд шивээстэй жүжигчдийг зурагтаар гаргахгүй байх арга хэмжээ авч байсан юм.

БНХАУ-ын Спортын ерөнхий газраас гаргасан удирдамжийн дагуу "нийгэмд сайн үлгэр дуурайл" болохын тулд Хятад улс хөлбөмбөгчдөө шивээс хийлгэхийг хориглож, шивээс хийлгэсэн хүмүүст шивээсийг арилгах эсвэл нуухыг шаардсан байна.

"Хөл бөмбөгийн тоглогчдын удирдлагыг сайжруулах зөвлөмж" гэсэн гарчигтай уг удирдамж нь шигшээ багийн тоглогчдод сахилгын шаардлагыг тусгажээ. Тус удирдамжид "Үндэсний шигшээ болон U23 насны шигшээ багийн тамирчид шинээр шивээс хийлгэхийг хатуу хориглоно. Шивээс хийлгэсэн хүмүүст шивээсээ өөрөө арилгахыг зөвлөж байна. Онцгой нөхцөл байдал үүссэн тохиолдолд багийн зөвшөөрөлтэйгөөр бэлтгэл, тэмцээний үеэр шивээс хийлгэж болно." гэжээ. Мөн 20 хүртэлх насны шигшээ багуудыг "шивээстэй тамирчдыг шинээр элсүүлэхийг хориглоно" гэж тусгаж өгсөн байна.

Энэхүү арга хэмжээ нь "Хятадын хөлбөмбөгчдийн эерэг сэтгэл санааг бүрэн харуулж, нийгэмд сайн үлгэр дуурайл болж байна" гэж спортын ерөнхий газар мэдэгдэлдээ дурджээ.

Энэ нь Хятад улс шивээсийг хориглосон анхны тохиолдол биш юм. Өмнө нь 2018 онд Хятадын хэвлэл мэдээллийн хэрэгслээр "Хип хоп соёл, дэд соёл, ёс суртахуунгүй соёл"-той тэмцэж байх үеэр Хятадын телевизүүд шивээстэй жүжигчдийг зурагтаар гаргахгүй байх тухай зарлиг гаргаж байжээ. Улмаар шивээстэй хүмүүсийг зурагтаар гаргахын өмнө бүдгэрүүлэх шаардлагатай болжээ.

Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.