Хятадын усанд сэлэгч Азийн наадмын гурван алт, нэг мөнгөн медалиа хураалгаж магадгүй

Twitter Print
2014 оны 11-р сар 26-нд 09:19 цагт
Мэдээний зураг,

БНХАУ-ын хамгийн шилдэг усанд сэлэлтийн тамирчин Сунь Ян сэргээшийн хэрэгт холбогджээ. Ази тивдээ төдийгүй дэлхийн шилдэг тамирчдын тоонд ороод байсан тэрээр өнгөрсөн тавдугаар сард өгсөн допингийн шинжилгээнд бүдэрч, гурван сар ямар нэгэн тэмцээн уралдаанд оролцох эрхээ хасуулаад байсан.

Гэхдээ түүний эрхийг энэ оны долоодугаар сараас эхэлж хассан юм байна. Гэтэл Сунь Ян БНСУ-ын Инчон хотод болсон Азийн наадамд оролцсон нь шүүмжлэл дагуулжээ. Инчоны Азийн наадам энэ оны есдүгээр сарын 19-нөөс аравдугаар сарын 4-ны хооронд болсон. Харин Сунь Ян есдүгээр сар дуустал тэмцээн уралдаанд оролцох эрхгүй байсан ч, Азийн усанд сэлэлтийн холбоо зөвшөөрлийг нь өгсөн аж.

22 настай Сунь Ян “Лондон 2012” зуны Олимпийн ХХХ наадмын 400, 1500 метрийн чөлөөт сэлэлтэнд алт, 200 метрийн чөлөөт сэлэлтэнд мөнгө, 4х200 метрийн буухад хүрэл медаль авсан. Мөн 2009 онд Италийн Ромд болсон дэлхийн аваргаас 1500 метрийн чөлөөт сэлэлтээр хүрэл, 2011 онд БНХАУ-ын Шанхай хотод болсон дэлхийн аваргаас 800, 1500 метрийн чөлөөт сэлэлтээр алт, 400 метрийн чөлөөт сэлэлтээр мөнгө, 4х200 метрийн буухиад хүрэл, 2013 онд Испанийн Барселонад болсон дэлхийн аваргаас 400, 800, 1500 метрийн чөлөөт сэлэлтээр алт, 4х200 метрийн буухиад хүрэл медалийн эзэн болсон. Хамгийн сүүлд болсон Барселонагийн дэлхийн аваргын “шилдэг эрэгтэй тамирчин”-ы шагналыг авсан аж.

Харин Азийн наадмаас  2010 онд 1500, 4х200 метрийн чөлөөт сэлэлтээр алт, 200, 400 метрийн чөлөөт сэлэлтээр мөнгө, 2014 онд 1500, 400, 4х100 метрийн чөлөөт сэлэлтээр алт, 200 метрийн чөлөөт сэлэлтээр мөнгөн медаль хүртжээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.