Эдийн засгийн байнгын хорооны хурал хойшлогдлоо

Twitter Print
2014 оны 11-р сар 25-нд 13:43 цагт
Мэдээний зураг,

УИХ-ын Эдийн засгийн байнгын хорооны хуралдааныг өнөөдөр 09.00 цагт зарласан байсан ч 11.30 цаг болгож хойшлуулсан юм. Гэвч дээрх цагт УИХ-ын гишүүд ирсэнгүй, Байнгын хорооны дарга Б.Гарамгайбаатар, УИХ-ын гишүүн С.Дэмбэрэл нарын нийт дөрвөн гишүүн бусдыгаа 1 цаг орчим хүлээсний эцэст байнгын хорооны хуралдаан дахин хойшиллоо.

Тус байнгын хорооны хуралдаанаар Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх "Тогтвортой амьжиргаа-3 төслийн санхүүжилтийн хэлэлцээр"-ийн төсөл, Дэлхийн банкны Олон улсын хөгжлийн ассоциацийн хөнгөлөлттэй зээлийн хөрөнгөөр хэрэгжүүлэх "Боловсролын чанарын шинэчлэл төслийн санхүүжилтийн хэлэлцээр"-ийн төслүүдийг хэлэлцэж, зөвшилцөх саналаа УИХ-ын Аюулгүй байдал гадаад бодлогын байнгын хороонд хүргүүлэх ёстой байсан юм.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.