Монголчууд бид эцэг, эх, хүү гурав-Оросын их хүмүүст талархаж явах учиртай

Twitter Print
2021 оны 12-р сар 16-нд 10:16 цагт
Мэдээний зураг,

Нэрт эрдэмтэн, үгийн их алдартан, суут яруу найрагч Оросын аугаа их хүмүүс гэгдсэн хүү, эцэг, ээж гурвуулаа энэ Монгол улсад минь элэгтэй төдийгүй, өөрсдийн өвөг дээдсээ гэж баттай үздэг, үзэл онолоороо манайхыг эрс хамгаалдаг эрдэм ухаан төгс, эрэмгий зоригт хэнээс ч, юунаас ч үл эмээх, эс хамаарах бие даасан онцгой бодгалиуд байжээ. Бахархалтай.

Монголчууд бид эцэг, эх, хүү гурав -Оросын тэр их хүмүүст талархаж явах учиртай хэмээн бодно.

Хүү ЛЕВ ГУМИЛЁВ:

Монголчуудын хувьд Их өвгөдийнхөө онгодыг хүндэтгэн дээдэлнэ гэдэг бол, алтан нарны гэрлийг хүртэж, задгай галын илчийг өлчиж, цэцэг цэцэгсийн анхилуун үнэрийг үнэртэн байхтай эгээ нэг ижил юм.

Эцэг НИКОЛАЙ ГУМИЛЁВ:

Ээтэн гутлын хоншоороор дэлхийн бөмбөрцийг өшигчиж

Ээрэм талын хүлгээр эцсийн далайг зорьсон

Миний өвөг дээдэс хөх Монголын нүүдэлчин

Мэлмий алдрах говийн цалин цагаан дээвэртэн /гэх буюу/

Од түгсэн тэнгэрээр шүтээнээ хийж

Орог саарал чоноор удмаа болгож

Орчлон ертөнцийг ганзганаасаа чирсэн

Омог бардам талын нүүдэлчид

Хуучин Европыг нойрноос нь сэрээж

Хурц илдээр замыг нь заасан.

Ромын папын зүрхийг нь чичрүүлж

Оросын вангуудыг элгээр нь мөлхүүлсэн /хэмээн шүлэглэсэн/

Эх АННА АХМАТОВА:

Н.С.Гумилёвт

Тэнгэрийн мэлмий түмэн цагаан од

Тэртээгээс намайг анивчин анивчин дуудна.

Үүр цүүрээр сэтгэлийн шархыг сэдрээж

Үүрийн цолмон гялбан гялбан дуудна.

Анхны хайрын ээдэрсэн утасны зангилаа

Арайхан тайлагдаагүй төөрч будилж явахдаа

Зүрхэндээ харвасан газрын ганц одоо

Зүүдэндээ үлдээж, тэнгэрт алдаж билээ.

Одоо тэр минь хан хурмастанд хувилаад

Орчлонгийн оргилоос дуудаж байгаа нь энэ үү?

Очьё гэтэл нисэн дүүлж би чадахгүй нь.

Очтой залуу нас минь орхиод хэдийнээ оджээ.

/Содовын Баясгалангийн орчуулга, “Орос найргийн гэгээ”, Улаанбаатар хот, 2011/

До.Чулуунбаатар

 

 

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.