Олимпийн хошой мөнгөн медальт Юки Ота Монголын туялзуур сэлэмний спортыг дэмжинэ

Twitter Print
2014 оны 11-р сар 25-нд 08:35 цагт
Мэдээний зураг,

Монголын туялзуур сэлэмний холбоо, Японы туялзуур сэлэмний холбоо, "Токио 2020" олимпийн наадмыг зохион байгуулах хороо хамтран тусгай хөтөлбөр хэрэгжүүлэхээр болсон. Энэхүү ажлын хүрээнд Японы домогт сэлэмчин, олимпийн хошой мөнгөн медальт, Олон улсын туялзуур сэлэмний холбооны Тамирчдын комиссийн дарга Юки Отаг Монголын туялзуур сэлэмний багийн Япон дахь элч төлөөлөгчөөр сонгосноо баталгаажууллаа. Сонирхлын бичигт Юки Ота болон МТСХ-ны Дэд Ерөнхийлөгч, Аж үйлдвэрийн Гавьяат ажилтан, “Тайж” группын Ерөнхийлөгч Л.Ганпүрэв нар гарын үсэн зурсан юм. Юки Ота нь Монголын сэлэмний багийг 2020 он хүртэл Япон улсад төлөөлж, жил бүр Монгол Улсад зочлон туялзуур сэлэмний спортыг сурталчлах юм.

Тэрээр 1985 оны 11-р сарын 25-нд буюу өнөөдөр Японы Шига мужийн Оцу хотод төржээ. Туялзуур сэлмээр хичээллэж “Бээжин 2008”, “Лондон 2012” зуны Олимпийн мөнгөн медаль, 2010 онд Францын Парис хотод болсон дэлхийн аваргын тэмцээнд ганцаарчилсан болох хосын төрөлд хүрэл медаль, Азийн наадаас “Доха 2006”-гаас сонгодог төрөлд алт, “Гуанжоу 2010”-аас багийн төрөлд мөнгө, “Доха 2006”-гаас багийн төрөлд хүрэл, “Гуанжоу 2010”-аас сонгодог төрөлд хүрэл, “Инчон 2014”-өөс сонгодог төрөлд хүрэл медаль авч байлаа.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.