Беларусьт гадаадын их дээд сургуулийн дипломыг хүлээн зөвшөөрдөггүй болно

Twitter Print
2020 оны 10-р сар 30-нд 12:18 цагт
Мэдээний зураг,

Беларусийн Ерөнхийлөгч Александр Лукашенко гадаадын их дээд сургуулиуд беларусийн залуусын тархийг угааж байна хэмээн, оюутнуудын эсэргүүцлийн хөдөлгөөнтэй тэмцэхийн тулд шинэ хуулийн төсөл хэрэгжүүлэхээр төлөвлөжээ.

Тэрээр өнгөрсөн пүрэв гарагт гадаадын их дээд сургуулийн дипломыг Беларусийн нутаг дэвсгэрт хүлээн зөвшөөрөхгүй байх тухай хуулийн төслийг боловсруулахыг засгийн газрын гишүүддээ даалгасан байна. Ерөнхийлөгч А.Лукашенкогийн онцолсноор Беларусийн засгийн газрын эсрэг байр суурьтай оюутнууд хилийн чанадад сурах сонирхолтой байдаг ба гадаадад тэдгээр залуусын тархийг "сайтар угаасан" байдаг гэжээ. 

Түүнчлэн гадаадын их дээд сургуулийн дипломтой залуус хилийн чанадад ямар ч эрэлт хэрэгцээгүй байдаг ба гадаадын улс орнууд тоо, физикийн гоц ухаантай эсвэл авъяастай ганц хоёр хүнийг л авч үлдэх сонирхолтой байдаг гэдгийг Ерөнхийлөгч А. Лукашенко онцолжээ. Беларусийн төрийн тэргүүний хэлж байгаагаар эсэргүүцлийн жагсаал цуглаанд оролцож буй оюутнууд дотор ойролцоогоор 10-15 оюутнууд нь л залуусыг өдөөн турхирч байгаа ба засгийн газраас тэдгээр эсэргүү үзэл бодолтой оюутнуудаас бусад оюутнуудын аюулгүй байдлыг хамгаалах шаардлагатай гэжээ.

Эх сурвалж: DW.com

Содномцэрэнгийн Энхзаяа 

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.