Украины Ерөнхийлөгч Володимир Зеленский Time сэтгүүлийн "Оны хүн"-ээр тодров

Twitter Print
2022 оны 12-р сар 08-нд 10:20 цагт
Мэдээний зураг,

Америкийн Time сэтгүүл 2022 оны онцлох хүнээр Украины Ерөнхийлөгч Володимир Зеленский болон "Украины сүр сүлд"-ийг нэрлэв.

Time сэтгүүлийн зүгээс жил бүр өнгөрсөн 12 сарын хугацаанд дэлхийд болж буй үйл явдлуудад хамгийн их нөлөө үзүүлсэн хүн эсвэл үйл явдлыг "Оны хүн"-ээр нэрлэдэг билээ.

Тус сэтгүүлийн редактор Эдвард Фелсендал Володимир Зеленский "оны хүн"-ээр нэрлэгдэх нь гарцаагүй байсан гэдгийг онцолжээ. Тэрээр, "Маргаан зөрчилдөөнөөр дүүрсэн энэ цаг үед хүмүүс нэг учир шалтгаанаар, нэг улсын төлөө нэгдсэн." хэмээн бичсэн байна.

"Украины сүр сүлд" гэдэгт тэрээр дэлхийн өнцөг булан бүрт Украины төлөө тэмцэж буй украинчуудыг нэрлэсэн ба үүнд хийсэн хоолоо мянга мянган украинчуудад үнэгүй тараасан Украины алдарт тогооч Евген Клопотенко, оросуудад баригдан 3 сарын дараа суллагдсан эмч Юлия Паевска зэрэг олон олон украинчууд багтаж байгаа гэжээ.

Түүнчлэн Украины Ерөнхийлөгч Володимир Зеленский украинчууддаа урам зориг өгч, Оросын түрэмгийллийн эсрэг зоригтой тэмцэж байгаа нь олон улсын хүндлэлийг хүлээжээ.

Time сэтгүүлийн "Оны хүн" нүүр хуудсанд Ерөнхийлөгч В. Зеленскийн хамт "Украины сүр сүлд" гэх тодорхойлолтонд багтсан хүмүүсийг дүрсэлсэн байгаа ба үүнд Украины дайнд шархадсан цэргүүдэд туслахаар очсон Их Британийн гэмтлийн мэс заслын эмч Дэвид Нотт мөн багтжээ.

Түүнчлэн Time сэтгүүлийн "Оны баатрууд" - аар Ираны эмэгтэйчүүд, энтертэйнмент салбарын "Оны хүн"-ээр Өмнөд Солонгосын Blackpink хамтлаг, "Оны тамирчин" - аар Америкийн бэйсболын тоглогч Аарон Жадж, Малайзийн жүжигчин Мишель Ё хамгийн нөлөө бүхий одоор тодорчээ.

Time сэтгүүлийн "оны хүн"-ийг нэрлэх уламжлал 1927 оноос эхэлсэн аж. 2022 оны хүнээр нэрлэгдэх магадлалтай байсан хүмүүсийн жагсаалтанд Хятадын Ерөнхийлөгч Си Жиньпин, Америкийн Дээд шүүх, 2021 оны хүнээр шалгарсан Илон Маск нар багтжээ.

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.