Ш.Солонгыг Засгийн газрын Хэрэг эрхлэх газрын Тэргүүн дэд даргаар эргүүлэн томиллоо

Twitter Print
2014 оны 11-р сар 21-нд 21:10 цагт
Мэдээний зураг,

Өнөөдөр ажлаа хүлээж авсан Ерөнхий сайд Ч.Сайханбилэг Засгийн газрын анхны хуралдаанаа хийлээ. Засгийн газрын 2014 оны 11 дүгээр сарын 21-ний өдрийн ээлжит хуралдаанаар 20-иод асуудал хэлэлцэж, олон чухал шийдвэрүүдийг гаргалаа.

Үүний дотор Шүүхийн шийдвэрийг үндэслэн Засгийн газрын Хэрэг эрхлэх газрын Тэргүүн дэд даргаар Ш.Солонгыг эргүүлэн томиллоо.

Засгийн газрын Хэрэг эрхлэх газрын Тэргүүн дэд дарга Ш.Солонго өнгөрсөн тавдугаар сард ажлаасаа чөлөөлөгдсөн. Тухайн үед өөрийг нь үндэслэлгүй халж, хууль зөрчсөн хэмээн мэдэгдэж, шүүхэд хандана гэдгээ зарлаж байсан юм. Энэ дагуу Сүхбаатар дүүргийн шүүхэд нэхэмжлэл гаргасан байдаг. 

Ш.Солонгын нэхэмжлэлийг шүүх хүлээн авч, хэлэлцээд түүнийг ажлаас чөлөөлсөн шийдвэрийг хууль бус гэж үзсэн байна. Шүүхийн шийдвэр нэгэнт Ш.Солонгын талд гарч, ажилдаа эргэн томилогдох боломжтой болоод байсан ч өнөөдөр шинэ Ерөнхий сайдын хийсэн анхны Засгийн газрын хурлаар ийнхүү эргүүлэн томилогдлоо.

Д.Цогт-Очир хэсэг хугацаанд түүний албыг хашиж байсан ч 10-р сард ажлаасаа тодорхойгүй шалтгаанаар чөлөөлөгдсөн юм. 

 

Сэтгүүлч Ц.Мөнхбаяр

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.