АНУ, Хятад хоёр уур амьсгалын өөрчлөлтийн эсрэг хамтдаа тэмцэх тухай гэрээ байгуулжээ

Twitter Print
2021 оны 11-р сар 11-нд 13:13 цагт
Мэдээний зураг,

БНХАУ болон АНУ өнгөрсөн лхагва гарагт дэлхийн уур амьсгалын өөрчлөлтийн эсрэг хамтран ажиллах гэрээ байгуулсан болохыг НҮБ-ын Уур амьсгалын өөрчлөлтийн эсрэг чуулга уулзалтанд оролцож буй БНХАУ-ын тусгай төлөөлөгч Сэ Чэньхуа мэдэгджээ.

Тэрээр, "Талууд одоогийн авч буй арга хэмжээнүүд болон Парисын гэрээн дээр тусгасан зорилтууд хооронд зөрүүтэй байна гэдэг дээр санал нэгдэж байгаа. Тийм учраас бид хамтдаа улс улсынхаа онцлогыг тооцон үзэж уур амьсгалын эсрэг хичээл зүтгэлээ нэмэгдүүлж, хамтран ажиллана." хэмээн мэдэгджээ.

Гэрээнд 2015 онд байгуулсан Парисын гэрээнд заасан зорилтуудын биелүүлэлтийг эрчимжүүлэх тухай тусгасан ба Сэ Чэньхуагийн мэдээлснээр Бээжин Вашингтон хоёр сүүлийн 10 сарын хугацаанд уг гэрээтэй холбоотой нийт 30 гаруй цахим уулзалт хийжээ.

"Дэлхийн том хоёр гүрний хувьд Хятад, АНУ хоёр уур амьсгалын өөрчлөлтийн асуудлуудыг шийдэхийн тулд бусад улс орнуудтай хамтран ажиллах үүрэгтэй билээ." хэмээн хоёр улсад хамтран ажиллахаас өөр сонголт байхгүй гэдгийг онцолжээ.

НҮБ-ын Уур амьсгалын өөрчлөлтийн эсрэг чуулга уулзалт Шотландын Глазго хотод 10-р сарын 31-ээс 11-р сарын 12-ны хооронд явагдаж, уг чуулга уулзалтанд дэлхийн 200 орны төлөөлөгч оролцжээ.

Эх сурвалж: interfax.ru

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.