Японы засгийн газар эдийн засгийн уналтаа зогсоож чадахгүй бол огцорно

Twitter Print
2014 оны 11-р сар 20-нд 07:41 цагт
Мэдээний зураг,

Японы Ерөнхий сайд Шинзо Абэ энэ сарын 21-нд буюу ирэх баасан гаригт тус улсын парламентын доод танхимыг тарааж, ээлжит бус сонгууль явуулах шийдвэр гаргажээ. NHK агентлагийн мэдээлж буйгаар Ерөнхий сайд энэ талаар Засгийн газрын дарга эрх баригч Либерал Ардчилсан Намын ээлжит бусын хурлын үеэр мэдэгджээ.

Хэрэв сонгуулийн үеэр эрх баригч Либерал Ардчилсан Нам олонхийн санал авч чадахгүй бол, албан тушаалаасаа огцорно хэмээн Шинзо Абэ хэлэв.

Тэрбээр “Би ард түмний дуу хоолойг сонсохыг хүсэж байна. Хэрэв манай нам парламентад олонхийн санал авч чадахгүй бол би огцроход бэлэн” гэжээ.

Дэлхийд гуравт орох Японы эдийн засаг энэ жил хоёр улирал дараалан уналттай гарсан нь хямралд орсныг харуулж байна энэ сарын 17-нд олон улсын эдийн засагчид мэдээлэв. Эдийн засгийн тус үзүүлэлтийн улмаас худалдааны албан татварыг нэмэгдүүлэх төлөвлөгөөг хойшлуулна хэмээн Ерөнхий сайд мөн хэлжээ.

Хоёр улирал дараалан есдүгээр сар хүртэлх гурван сард Японы эдийн засгийн өсөлт унасан учир Японы Засгийн газрын Эдийн засаг, төсвийн бодлогын зөвлөлд Ерөнхий сайд Абэ шинэ хувилбар гаргах үүрэг өгчээ. Иений ханш унасны улмаас эрчим хүчний өндөр төлбөр төлж буй хэрэглэгчид болон бизнесийн хүрээнхэнд туслах асуудлыг тэд хэлэлцэх ажээ.

Энэ жилийн эцсээр эдийн засгийн өсөлтийг дэмжих арга хэмжээний шинэ багц гарна гэдэг Засгийн газар найдаж байна. Энэ санхүүгийн жилийн төсвийн тодотголд уг арга хэмжээг багтаана. Төсвийн тодотгол 25 тэрбум долларт хүрч болзошгүй байна.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.