Хүүхдүүд бурханд хандан ийн бичжээ

Twitter Print
2021 оны 03-р сар 28-нд 10:34 цагт
Мэдээний зураг,

Хүүхдүүд Бурханд хандаж ийн бичжээ:

Хүмүүс дэлхий дээр их зовох юм. Тамд бүр хэцүү байдаг уу? Радик, 4-р анги

Би эволюци хөгжлийг зөв ойлгосон бол Адам Ева хоёрыг та бүтээж, харин дараа дараагийн хүмүүс сармагчнаас үүссэн юм байна, тийм үү? Сергей, 3-р анги

Яагаад бүх юм ийм үнэтэй юм бэ? Лева, 3-р анги.

Ном зохиолд таныг өөр өөрөөр дүрсэлсэн байх юм. Гэрэл зургийг чинь хаанаас олж болох вэ? Хуучны ч хамаагүй... Рая, 3-р анги

Яагаад хэн нэгэн хүнийг гомдоочихоор муухай санагдаж, харин уучилхаар дотор онгойх шиг болдог юм бэ? Алла, 3-р анги

Би хайр дурлалд хэдэн удаа алдах бол? Одоогоор 3 удаа алдчихаад байгаа. Юра, 2-р анги

Бид яагаад хөгширдөг юм бэ? Илья, 3-р анги

Нарыг асаагаад өгөөч, тэгэх үү? Манай байранд халаалт байхгүй, эмээ маань даараад байна. Рая, 3-р анги

Танаас юу гуйхаа би удаан бодлоо. Нохой гуйх уу? Тэгснээ жижиг сажиг юм гуйж танд төвөг удаад яах юм гэж бодоод жинхэнэ чухал зүйл гуйхаар шийдлээ. Тэгэхээр ийм байна... манай ээжийг ажлаасаа үргэлж хөгжилтэй, сайхан ааштай ирдэг болгож өгөөч. Катя, 2-р анги

Манай аав ээж хоёрыг эвлэрүүлж өгөөч. Надад туславал би тамхинаас гарна шүү. Юра, 3-р анги.

Та хүн төрөлхтнийг хоёр дахиа бүтээх байсан уу? Олег, 3-р анги

Би нэг шүлэг бичсэн юм. Ичмээр болохооро би хэнд ч үзүүлдэггүй. Харин танд бол үзүүлье:

Томчууд нулимсаар уйлдаг. Томчууд нүдээрээ уйлдаг.

Хүүхдүүд зүрхээрээ уйлдаг. Хүүхдүүд амиараа уйлдаг.

Том хүн хүүхэд шиг уйлж байгаа бол...

Тэрээр жинхнээсээ уйлж байгаа нь тэр. Марик, 4-р анги

Эх сурвалж: F4b

Орчуулсан: Өлзийбатын Уянга

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.