“Exclusive”-ын Г.Майцэцэг гадаадад гацсан монголчууддаа алтан бөгж, мөнгөн аягаа хандивлалаа

Twitter Print
2020 оны 07-р сар 23-нд 15:16 цагт
Мэдээний зураг,

Импортыг орлох хувцас хэрэглэлийг Монголдоо хямд үнээр үйлдвэрлэн хэрэглэгчиддээ хүргэдэг “Exclusive” брэндийн захирал Г.Майцэцэг КОВИД 19 цар тахлын улмаас гадаадад гацаж, эх орондоо ирж чадахгүй хүнд нөхцөлд байгаа элэг нэгт монголчууддаа зориулж, 10 сая төгрөг, алтан бөгж, нэг ширхэг мөнгөн аяга хандивлаж буйгаа мэдэгдлээ.

Тэрбээр энэ тухайгаа өөрийн цахим хуудастаа нийтэлсэн бөгөөд “УОК-т хүлээлгэн өгнө, замын зардалд нь зарцуулна уу, тусгаарлалтын зардалд нь зарцуулна уу, хүний нутагт хүлээлгэнд байх зардалд нь зарцуулна уу.  УОК  надаас илүү судалгаатай байгаа учраас хүрэх ёстой хүмүүст нь хүргэж чадна гэж чин сэтгэлээсээ итгэж байгаа учраас ТӨР-өөр нь дамжуулъя гэж шийдэж байна.

10.000 хүний хэнийг нь гэх билээ гэж шууд бодогддог юм байна, хэрвээ би чадалтай бол зардалгүй мөнгөгүй бүгдэд нь тусалмаар байна. Даанч байгаа чадал нь энэ үүнээс илүү гарч чадахгүй байна УУЧЛААРАЙ... Монгол хүн бүр ЭХ ОРНЫ маань БАЯЛАГ... та нарын төлөө олон зүрх над шиг шаналж зовж өвдөж байгааг ойлгоорой та нар минь... ЭХ ОРОН ТӨР ЗАСАГТАА ГОМДОЛ БҮҮ ТЭЭГЭЭРЭЙ... санаа байвч сачий нь хүрэхгүй гэж хэлц үг байдаг, ёстой л тийм юм болоод байна уу гэж бодогдох боллоо... ГАДААДАД ГАЦСАН та нарыгаа ЭХ ОРОН чинь мартаагүй мартахгүй гэдгийг дахин онцолж хэлье...

ЭВТЭЙ БАЙХДАА ХҮЧТЭЙ...” гэжээ. Тэрбээр өмнө нь хамгаалалтын хувцас, маск зэргийг үйлдвэрлэн хандивлаж байсан юм.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.