Нурууны чангарлыг цэгэн бариагаар хэрхэн суллах вэ?

Twitter Print
2021 оны 11-р сар 11-нд 10:43 цагт
Мэдээний зураг,

Нурууны чангарлыг цэгэн бариагаар хэрхэн суллах вэ?

Эхлээд эмчлүүлэгчийнхээ биеийн онцлогийг шалгаж, аль хэсгийн булчин чангаралттай байгааг нь үзээд суллаж өгнө. Чангаралтаас болоод аарцагны гажилт их явагддаг. Маш хор уршигтай зүйл. Тэгшхэн байх ёстой багана нуруу амьдралын буруу хэвшлээс болоод S хэлбэрээр гаждаг. Гажихаараа дээр доор, хөл урт богино болдог. Тэр гажсан хэсэгт нь мэдрэл даралт үүсдэг.

Түүнээс урьдчилан сэргийлэх, засах зорилгоор цэгэн бариа, даран нухалтыг хийдэг юм. Мэдрэлийн судлуудыг дагуулан дээрээс доош чиглэлтэй хийж байгаа цэгэн бариа нь мэдрэлийг сэргээж, булчинг суллаж, цусны гүйдлийг чөлөөтэй явуулж өгдөгөөрөө ач холбогдолтой. Аарцагны гажилт нь тухайн хүнээс өөрөөс нь шалтгаална. Хөлөө байнга ачиж суудаг ч юмуу, зөөлөн буйдан дээр тааваараа хамаагүй суух зэрэг нь аарцагны гажилтанд нөлөөлдөг.

Багана нурууны сэртэнгүүд нь өөр өөрийн градус хэмтэй байдаг. Түүнийх нь дагуу блокыг гаргаагүйгээс тухайн хүнд өвдөлт өгнө. Янз бүрийн байдлаар мэдрэл судас тасарч болно, эсвэл шохойжсон байвал бүр хугарч цуурна. Хүзүүний сэртэн 30 градусын хэмтэй байдаг болохоор тэр дагуу тонгойлгож хийнэ. Сээр нурууг 90 градусын хэмээр дээшээ татаж, нуруунаас доош ахар сүүл хүртэл 75 градусын хэмээр татаж өгнө гэх мэт.

Гэрийн нөхцөлд, энэ эзэмшээгүй хүн хийж болохгүй. Судас мэдрэлийг нь таслах, эсвэл бүр хугалаад хаячих ч тохиолдол байж болно. Мэргэжлийн хүнээр л гаргуулах хэрэгтэй. Гэхдээ өөрөө сайн дадаагүй эмч хүн хийх юм бол бас аюул учирна. Наана нь булчинг нь суллаж өгөх хэрэгтэй. Рентген зураг байвал сайн харах гэх мэтээр эсрэг заалтаа сайн харж тооцох ёстой байдаг.

Хүнд өөрт нь “тэг” гэж байдаг. Тэр тэгийг тэгш хэмтэй байлгана, хурсан шар усыг тараана гээд блок гаргасны ач холбогдол их бий.

Уламжлалт анагаах ухаан сонин /УАУ-ы их эмч Б.Чойном/

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.