Америк, Хятадын сөргөлдөөн дайнд хүргэж болзошгүй

Twitter Print
2014 оны 11-р сар 18-нд 10:20 цагт
Мэдээний зураг,

Америк, Хятадын хооронд дайн дэгдэхэд бэлэн байгаа гэдэгт Хятадын цэргийнхэн итгэлтэй байгаа гэнэ. Америкчууд томоохон дайн өдүүлэхээр бэлтгэж байгаа учир болзошгүй аюулын эсрэг сөрөн зогсохыг Хятадууд чухалчилж байгаа тухай Хятад судлаач Майкл Пиллсбери гэгч Foreign Policy сэтгүүлд бичсэн нийтлэлдээ онцлон тэмдэглэжээ.

"-АНУ, Хятадын хооронд дайн дэгдэх тухайд бид сэтгэл зовинох ёстой юу? -Тиймээ" хэмээн шинжээч нийтлэлдээ онцлоод, Хятадын нийгэм эдийн засгийн амьдрал, тэр дундаа цэргийн номлол, чиг хөгжлийг дөчин жилийн турш судлахдаа тус улсын цэргийн холбогдолтой хязгааргүй олон сонин хэвлэл уншиж, Хятадын ардын чөлөөлөх армийн удирдлагуудтай хүртэл уулзаж явсаны хувьд ийм дүгнэлт гаргаж байгаагаа тэрээр тэмдэглэсэн байна. "Хятад улс Америкийн цэргийн үйл ажиллагааны төвд байгаа гэдэгт тус улсын  улс төр, цэргийн удирдагчид итгэлтэй байдаг учир" нөхцөл байдал сүүлийн үед улам ярвигтай болж Бээжингээс цэргийн салбарт асар их хэмжээний төсөв зарцуулах болсон. Үүний улмаас АНУ ч номхон далайн бүс нутагт "хүчний тогтвор" хадгалах бодлого явуулж байгаа, гэвч Хятадын цэргийн салбарын "тунгалаг бус" байдал онцгой бэрхшээл учруулж байна” гэж Пиллсбери үзэж байгаа аж.

"Хятадын удирдлага цэргийн үйл ажиллагааны чиг зорилгоо нуун далдалж байгаа явдал" АНУ-ын засаг захиргааны төлөөлөгчдийг түгшүүлсээр ирлээ, энэ сөргөлдөөний уршиг Хятадын ардын чөлөөлөх арми үйл ажиллагааныхаа чиглэл, цар хүрээг дэлхий нийтэд ил болгох хүртэл үргэлжилсээр байх болно. Барак Обама болон Си Зиньпин нар саяхны уулзалтаараа томоохон цэргийн сургуулилт явуулахын өмнө хоёр тал урьдчилан мэдэгддэг болох тухай тохиролцсон асуудал ч нөхцөл байдлыг огт өөрчлөхгүй гэж  Пиллсбери үзэж байгаа аж.

Эх сурвалж: Foreign policy

 

Сэтгүүлч Л.Отгонбат

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.