Уимблдон цуцлагдлаа

Twitter Print
2020 оны 04-р сар 02-нд 14:15 цагт
Мэдээний зураг,

Талбайн теннисний манай гаригийн ууган бөгөөд хамгийн нэр хүндтэй, мөн хамгийн өндөр шагналын сантай тэмцээн Уимблдон Коронавирусын цар тахлын улмаас цуцлагдахаар боллоо.

134 дэх удаагийн Бүх Английн АШТ хуваарийн дагуу 06.29-07.12 хооронд явагдах ёстой байсан юм. Ковид-19-ийн тархалт талбай теннисний бүх тэмцээнийг 6 сарын 7 хүртэл зогсоогоод байна. Зүлгэн дээр явагддаг Их Дуулгын цор ганц тэмцээний зохион байгуулагчид энэ ондоо багтаахыг хичээсэн хэдий ч талбайн теннисний улирлын хуваарьт боломж олдсонгүй. Учир нь 05.24-06.07 хооронд болох ёстой байсан Френч Опен 9 сарын сүүл хүртэл хойшлогдсон, харин оны сүүлчийн Их дуулга Ю-Эс Опен одоогоор хуваарийн дагуу наймдугаар сарын 31-нээс эхлэхээр байгаа юм.

1877 оноос эхлэлтэй Уимблдоны АШТ ердөө дэлхийн хоёр дайны улмаас л цуцлагдаж байсан түүхтэй.

О.Ойдий

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.