Вячеслав Тихонов “мөнгөний төлөө” тоглохыг хүсээгүй...

Twitter Print
2020 оны 02-р сар 17-нд 14:54 цагт
Мэдээний зураг,

Вячеслав Тихоновыг ямар ч хэтрүүлэггүйгээр агуу жүжигчин гэж нэрлэж болно. "Амьдралын минь туршид миний үзэх дуртай Орос кинонуудад гайхалтай жүжиглэж чадсанд тэр байж магад. Вячеславын дүр төрхийг үргэлж санаж байдаг бөгөөд өөрөө өөртөө хамгийн сайнаар нь үлдээсэн мэт бишрэн шүтдэг байлаа"...
Энэ бол ганцхан хүний сэтгэгдэл.

Вячеслав Тихонов Москвагийн ойролцоох Павловский Посад хотод 1928 онд төрсөн юм. Аав нь нэхмэлийн үйлдвэрийн нормчин, ээж нь цэцэрлэгийн багш байлаа. 1941 онд дайн эхлэхэд Вячеслав дөнгөж 13 настай байв. Түүний явдаг сургууль цэргийн эмнэлэг болоход тэр үйлдвэрт ажиллаж, цэргийн ангийн хэрэгцээний захиалгыг гүйцэтгэдэг ажилд туслагчаар ажиллаж эхлэв.

Тихонов хүүхэд байхаасаа л жүжигчин болохыг мөрөөдсөөр тухайн үеийн киноны баатруудыг бишрэн шүтдэг байлаа. "Александр Невский" киног хэд дахин үзэхээр кино театрыг зорьдог байв . 1945 онд дайны дараа Вячеслав ВГИК-т орохоор Москвад очжээ. Харамсалтай нь тэр элсэлтийн шалгалтанд тэнцсэнгүй.

Гэхдээ дахин шалгагдаж сургуульд суралцан1950 онд өргөмжлөлтэйгээр төгссөн байдаг. Тэр жил мөн Владимир Браун өөрийн киноны зураг авалтанд урьжээ.

1950 оноос эхлэн театрт ажиллаж, Максим Горькийн нэрэмжит кино студид жүжигчнээр ажилд авах хүртэл театрт долоон жил үргэлжлүүлэн ажилласаар байв.

1960 аад оны сүүлчээс хойш Вячеслав Тихонов Оросын жинхэнэ сэхээтнүүдийн дүрээр дэлгэцэнд гарч ирэв.

тихонов зурган илэрцүүд

Жүжигчнийхээ хувьд үнэхээр "од" болсон юм. "Цагаан хошуу, хар чих", "Тойруулга", "Дайн ба энх", "Хаврын арван долоон учрал", "Тэд Эх орны төлөө тулалдсан юм" зэрэг домогт кинонууд нээлтээ хийж түүний гайхалтай сайхан дүр Оросын ард түмний бахархал болсон байна. Вячеслав Тихоновын дүр нийгэмд асар олон үүрэг гүйцэтгэсэн. сургуулийн багшаас КГБ-ын офицер болсон телевизийн 12 анги бүхий цуврал "Хаврын арван долоон учрал" киноны гол дүр бол агуу жүжигчний хамгийн мартагдашгүй мөнхийн бүтээл гэж тооцогддог байна.

тихонов зурган илэрцүүд

-Зөвлөлтийн тагнуулын ажилтан Исаев 1945 оны хавар нацист Германд ажиллаж байсан Макс Отто фон Штирлицийн дүр тухайн үед ЗХУлсын ерөнхий нарийн бичгийн дарга байсан Брежневт маш их таалагдсан тул Тихоновыг өөрийн зохиол "Бага газар" ын баримтат текстийг телевизээр уншихыг гуйсан гэсэн яриа байдаг .

Гэхдээ жүжигчинд ийм алдартай байдалд байх огтхон ч таалагдсангүй. Түүний бүх үйл хөдлөлийг Штирлицтэй холбодог учир энэ сэдвээр болдог хошигнолд дургүй байдаг байлаа. Энэ дүр түүний хувьд хамгийн энгийн киноны дүр байсан гэж хэлж байжээ. Тэрээр "Энэ нь Пенковт байсан" кинонд бүтээсэн Матвэйгийн дүрээ кино урлаг дахь хамгийн сайн бүтээл гэж нэрлэсэн байна.

тихонов зурган илэрцүүд

ЗХУ-ын задрал, ганцаардал, өвчин

Тихонов ЗХУ задран унаж, шинэчлэлт болоход маш их зовж байв. Нийгмийн оюун санааны үнэт зүйлсийн өөрчлөлт нь түүний дургүйцлийг төрүүлэв. Тэр үеэс Тихоновыг кинонд тоглуулахыг бүрэн зогсоов. Энэ нь Вячеслав Тихонов "мөнгөний төлөө" тоглохыг хүсээгүйтэй холбоотой юм.

1998 онд Тихоновын ид амжиллтай байх үеэр түүний сэтгэлд хүрсэн дүр байсан бөгөөд кино жүжигчин, орчин үеийн "шинэ Орос улсын" бодит байдалд сэтгэл хангалуун бус байдаг ахмад дайчдын дүрд үүргээ гүйцэтгэн тоглосон юм. Түүнтэй хамт гол дүрүүдийг Михаил Ульянов, Олег Ефремов нар бүтээжээ.

Амьдралынхаа сүүлийн жилүүдэд агуу жүжигчин Николина Гора дахь зуслангийн байшинд хүмүүсээс зайлсхийн амьдарч байв. Сэтгүүлчид түүнийг хэвлэлийнхэнтэй харилцах дургүйг мэддэг болсон бөгөөд үлдсэн бүх цаг хугацааг ТВ үзэх, загас барихад зарцуулдаг болсон хэмээн хаа нэг бичдэг болсон байв. Түүний хамгийн сайн найзууд аль хэдийнээ өөд болсон тул тэр амьдралд ч, хорвоод ч ганцаараа байсан юм.

Холбоотой Зураг

Агуу жүжигчин Эльдар Рязановын Андерсен кинонд хамгийн сүүлийн дүрээ бүтээсэн бөгөөд 2002 онд Тихонов зүрхний шигдээсээр өвдөв. 2009 оны 11-р сарын сүүлчээр Вячеслав Васильевичийн зүрхний судаснуудад хийсэн мэс засал амжилттай болсон ч гэнэт бөөрний дутагдалд орж, 2009 оны 12-р сарын 4 нд нас баржээ.

Р.Сайхан-Уул

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.