Италийн Турин хотод болсон тэмцээнд Оросын Анна Щербакова, Майя Хромых нар алт, мөнгөн медаль авлаа

Twitter Print
2021 оны 11-р сар 09-нд 09:10 цагт
Мэдээний зураг,

Энэ жилийн (2021-2022 улирлын) Олон улсын тэшүүрчдийн холбооны (ISU-International Skating Union) зохион байгуулдаг уран гулгалтын цуврал гранд при тэмцээний гурав дахь Италийн буюу Gran Premio d’Italii нь Итали улсын Турин хотын Torino Palavela талбайд 11-р сарын 5-7 өдрүүдэд амжилттай болж өнгөрлөө.

Энэхүү тэмцээнийг Хятад улс зохион байгуулах байсан боловч ковид-19 өвчний тархалт ихэссэн, тус улс хорио цээрийн дэглэмийн улмаас цуцалж, Италид хийх болсон юм. АНУ, Бельги, Герман, Итали, Канад, Латви, Орос, Өмнөд Солонгос, Франц, Хятад гэсэн 10 орны 60 тамирчид өрсөлдөв.

Эхний гурван байр эзэлсэн тамирчдыг үзүүлбэл:

Эрэгтэй ганцаарчилсан:

1-р байр Юма Кагияма (Япон)

2-р байр Михаил Коляда (Орос)

3-р байр Даниэль Грассль (Итали)

Эмэгтэй ганцаарчилсан:

1-р байр Анна Щербакова (Орос)

2-р байр Майя Хромых (Орос)

3-р байр Луна Хендрикс (Бельги)

Спортын хос:

1-р байр Суй Вэнцзин/Хань Цун (Хятад)

2-р байр Чэн Пэн/Ян Цзинь (Хятад)

3-р байр Юлия Артемьева/Михаил Назарычев (Орос)

Бүжгийн хос:

1-р байр Габриэла Пападакис/Гийом Сизерон (Франц)

2-р байр Медисон Хаббелл/Захари Донохью (АНУ)

3-р байр Александра Степанова/Иван Букин (Орос)

Энэ тэмцээний эрэгтэй ганцаарчилсан төрөл маш өрсөлдөөнтэй болсон билээ. Богино үзүүлбэрээр Боян Цзинь (Хятад), Даниэль Грассль (Итали), Джунхван Чха (Өмнөд Солонгос) нар эхний 3 байрыг эзэлж, Оросын Михаил Коляда 4-р байрт харин Японы Юма Кагияма 7-р байранд орсон боловч чөлөөт үзүүлбэрээр японы болон оросын тамирчид илт давамгайлан амжилт үзүүлэн, нийлбэр дүнгээрээ алт мөнгөний эзэд болцгоов.

Оросын нэрт дасгалжуулагч Этери Тутберидзегийн шавь Анна Щербакова, Майя Хромых нар алт мөнгөний эзэд болцгоон, түүний шавь нар дэлхийн тавцан дээр хамгийн гол өрсөлдөгчид гэдгээ батлан харууллаа.

Батхүүгийн Энхжаргал

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.