Нэр дэвшигчид гишүүдийн асуултанд хариулж байна

Twitter Print
2014 оны 11-р сар 14-нд 22:19 цагт
Мэдээний зураг,

АН-аас Ерөнхий сайдад нэр дэвшигчид ҮЗХ-ны хурал дээр мөрийн хөтөлбөрөө танилцуулсан. Ч.Сайханбилэг "Одоо юуны өмнө эдийн засаг хямралтай байгаа. Үүнийг хүлээн зөвшөөрөх хэрэгтэй. Шинэ байгуулагдах Засгийн газар юунд анхаарах вэ гэхээр 1.Эдийн засаг, 2.Эдийн засаг, 3.Эдийн засаг гэсэн зүйл дээр голлон анхаарна. Мөн шинээр байгуулагдах Засгийн газар нэгдүгээрт, дэмжлэгтэй, хоёрдугаарт, үйлдийн засгийн газар байх, гуравдугаарт, шуурхай Засгийн газар байх ёстой.

Эдийн Засгийн асуудлыг шийдэхэд Засгийн газар штабын зохион байгуулалттай ажиллах ёстой юм. Үндэснийхээ эрх ашгийг бодож улстөржилтийг хойш тавьж ажиллах ёстой. Энэ хямралыг бид өөрсдөө бий болгосон, одоо өөрсдөө гарах ёстой. Урт хугацааны хөгжлийн асуудал. Нартай өдөр налайж, бороотой өдөр найрладагаа болих ёстой. Засгийн газрын ажил хувийн хэвшил дээр тулгуурлаж байж амжилттай явна.

Хэрэв би Ерөнхий сайд болвол фракциудтайгаа үг хэлээ ололцож чадна, сөрөг хүчинтэйгээ хамтарч ажиллаж чадна, ҮЗХ-ны гишүүтэйгээ нэг цул болж ажиллаж чадна, намын бүлэгтэйгээ нэгдэж ажиллаж чадна, би Амаржаргал гишүүнтэй ам хэлээ ололцож чадна гэдэгт итгэж байна. Та бүхэн итгэл үнэмшлээрээ саналаа өгөөрэй” гэв.
 
Харин Р.Амаржаргал гишүүний мөрийн хөтөлбөрийн гол хөзөр нь тэтгэвэр, тэтгэмжийг 50 хувь нэмнэ гэсэн байна. Тэрээр бусад зүйлийг детальчлан ярих хэрэггүй гэжээ. Энэ нь эдийн засгийн хямрал нүүрлээд байгаа ийм үед хэтэрхий утопи сонсогдож байна гэж зарим гишүүд жиргэж байна. 
 
Танхимын зүгээс Ч.Сайханбилэгийг мэдээлэл сайтайн дээр залуу хүн эрч хүчтэйгээр ажиллах боломжтой. Үүнээс гадна 2016 оны сонгууль болоход 2 жил хүрэхгүй хугацаа үлдээд байгаа энэ үед Засгийн газрын ажлыг хурдан шуурхай, үр бүтээлтэй явуулах ёстой. Засгийн газрын Хэрэг эрхлэх газрын дарга хийж байгаа хүн ажлаа гартаа оруулсан байх. Тиймээс ажлаа мэдэж байгаа Ч.Сайханбилэгийг дэмжих санал хүсэлтэй байна гэж хэд хэдэн гишүүн саналаа хэллээ. 
 
Үүний дараа ҮЗХ-ны гишүүд саналаа хэлж, нэр дэвшигчдээс асуулт асууж байна.

Ц.Оюунгэрэл: Хүний эрхийн асуудал дээр хэрхэн ажиллах вэ? Гэнэтийн баривчлагаа нь Монгол улсыг маш муухай харагдуулж хөрөнгө оруулагчдыг үргээж байна. Монгол улс шорон улс боллоо гэж гадаадынхан харж байна. Үүн дээр Ерөнхий сайд болвол ямар байр суурьтай байх вэ?

Р.Амаржаргал: Ерөнхийлөгчийн эхлүүлсэн ажлуудыг дэмжээд явбал хүний эрхийн асуудал шийдэгдэх байх гэж бодож байна.

Ч.Сайханбилэг: Хүний эрхийн асуудал хамгийн ихээр яригдаж байгаа асуудал бол Эрүүгийн тухай хууль, Байцаан шийтгэх хуульд байдаг. Энэ асуудлыг цэгцлэх ажлыг Х.Тэмүүжин сайд эхлүүлаээд реформ хийхээр ажиллаж байна. Үүнийг дэмжиж ажиллана.

ҮЗХ-ийн гишүүн Л.Гүндалай: Хэн нь гарлаа ч та 2-т цаг бага байна. Эдийн засгийн хүндрэлээс яаж гарах вэ, хүнд сурталаас яаж салах вэ? Хүнд суртлаас салаагүй байна. Эрүүл мэндийн салбар уначихаад байна. Эрүүл явах юмсан, өвчнөөсөө салах юмсан гэж хүн бүр бодож байгаа шүү дээ. Тэр хүмүүст нь итгэл найдварыг нь өгөөч. Энэ тал дээр яаж ажиллах юм бэ?

Р.Амаржаргал: Эрүүл мэндийн салбарт тоймтой хэдэн зүйлийг барьж аваад хийх ёстой.

Ч.Сайханбилэг: Эрүүл мэндийн асуудал дээр эмнэлгийн санхүүжилт, эрүүл мэндийн засаглал зэрэг асуудал дээр гурван том реформ хийх төлөвлөгөө гарчихсан байгаа. Үүнийг хэрэгжүүлж ажиллана. 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.