АН-ын дарга З.Энхболд: Н.Алтанхуяг манай намын хамгийн, хамгийн...

Twitter Print
2014 оны 11-р сар 14-нд 20:55 цагт
Мэдээний зураг,

АН-ын ҮЗХ-ны хурал үргэлжилж байна. Тус хурлын эхэнд АН-ын дарга Н.Алтанхуяг намын даргын ажлаа өгөх болсноо мэдэгдсэн. Тэрбээр эрх мэдлийн төлөө тэмцэлдэж, улс орны ажлыг хойш тавин зүтгэж байгаа фракциудаа эв зүйд нь оруулж, улстөрийн хагарлыг эв эеээр шийдвэрлэхийг хүсэн эл шийдвэрийг гаргаж байгаагаа илэрхийлж үг хэлсэн.

Ийнхүү АН-ын дарга Н.Алтанхуяг чөлөөлөгдөх өргөдлөө өгч, УИХ-ын дарга З.Энхболд түүний оронд намын даргад нэр дэвшсэн юм. Ерөнхий сайдыг огцруулах, үүрэг гүйцэтгэгчийг томилохдоо Үндсэн хуулиа зөрчсөн УИХ-ын дарга З.Энхболдыг дэмжихгүй хэмээн ҮЗХ-ийн гишүүд дургүйцэж байсан ч АН-ын Үндсэн дүрэм болон сонгуулийн журмаар санал хураалт явуулж дууслаа.

АН-ын даргад нэр дэвшиж буй З.Энхболдыг дэмжих, эсэх санал хураалтанд ҮХЗ-ны 168 гишүүн оролцож санал өгснөөс 147 хүний санал буюу 87,5 хувийн саналаар дэмжигдэж, УИХ-ын дарга З.Энхболд АН-ын дарга боллоо.

Ингээд АН-ын даргаар сонгогдсон З.Энхболд үг хэллээ. Тэрбээр “Н.Алтанхуяг хамгийн хамгийн гэсэн тодорхойлолтой хүн. Тиймээс хамгийн түрүүнд Н.Алтанхуягт зориулж үг хэлмээр байна. Н.Алтанхуяг гэдэг  улстөрч АН-д Хамгийн олон жил намын дарга хийсэн. Бас ардчилсан намын түүхэнд хамгийн олон ялалтыг авчирсан. Үүнээс гадна хамгийн сайн эв нэгдлийг сахигч улстөрч гэж би боддог. Тиймдээ ч намынхаа эв нэгдлийг сахиулахын тулд өнөөдөр намын даргын албаа өглөө. Таны хийж хэрэгжүүлж байсан бүхнийг үргэлжлүүлж, эв эеийг сахин, ялалтын тань буухиаг үргэлжлүүлнэ гэдгээ хэлье” гэлээ. 

АН-ын дарга асан Н.Алтанхуяг АН-ын дарга З.Энхболдод тамга тэмдэгээ гардуулж өгөөд “Эв эеийг хичээж ялалтыг буухиаг үргэлжлүүлээрэй” гэв.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (103.229.123.137) 2015-04-01 17:15
      • 0
      • 0

      Сайн гэж магтаад буулгадаг нь ямар учиртай юм сайн байсан юмыг муу болгох гэсэн юм байна л даа

      Хариулах

    • boltroon

      (188.23.148.246) 2014-11-14 21:51
      • 0
      • 1

      sain bna ali alin darga hiihed chadvartai ulsuud haramsaltail yum bolloo Altanhuyg saidiin huvid yahvee dahiad bolnoo hiisen ajiltai huniig yadgii ard tumen mednee odoo medreh bolnoo

      Хариулах