Төрийн 29 сангаас зээл авсан улс төрийн өндөр албан тушаалтнуудад хариуцлага тооцохыг шаардаж, прокурорт хандлаа

Twitter Print
2020 оны 03-р сар 03-нд 15:28 цагт
Мэдээний зураг,

Хуульч Х.Тэмүүжин, эдийн засагч н.Шинэгэрэл нар иргэний хувиар Монгол Улсын Ерөнхий прокурорт хүсэлт хүргүүллээ.

Уг хүсэлтээрээ төрийн 29 сангаас зээл авсан, улс төрийн өндөр албан тушаалтнуудад хариуцлага тооцохыг шаардаж байгаа гэдгийг Хуульч, Х.Тэмүүжин хэлсэн юм. Мөн тэрээр "Хоёр нөхцөл байдлыг эргэж харахыг хүсэж байна. Прокуроруудын үйл ажиллагаандаа баримталдаг хоёр чухал зарим бий. Нэгдүгээрт, Монгол Улсын хэмжээнд хуулийг нэг мөр хэрэглэх. Энэ нь ямар нэг салбар, хувь хүнээс үл хамаарна гэсэн үг юм.

Улс төрийн нөцхөл байдал, УИХ байна уу, хамаагүй. Гэтэл УИХ, Засгийн газрын нэр бүхий гишүүд, төрийн зарим албан тушаалтан Засгийн газрын баталгаа гаргасан сангуудаас албан тушаалаа ашиглаж зээл авсан. Энэ бол сонирхлын зөрчлийн хуулиар хийж болохгүй үйлдэл буюу гэмт хэрэг. Тиймээс Ерөнхий прокурор хууль зөрчиж хийсэн гэрээнүүдийг хүчингүй болгохыг бид хүсэж байна. Төрд эдийн засгийн хохирол учруулсан тул хариуцлага тооцохын тулд Ерөнхий прокурор өөрийн санаачилгаар шүүхэд хандах хэрэгтэй.

Төрөөс гарсан мөнгө хөрөнгийг буцаан Төрийн санд татаж аван, зээлийн хүү, алдангийг нэхэмжлэх ёстой. Ийм байдлаар хариуцлага тооцохгүй бол хулгай хийсэн хүмүүс үр шимийг нь хүртээд байж болохгүй шүү дээ. Энэ хүмүүст хуулийн төдийгүй эдийн засгийн хариуцлага байдаг гэдгийг харуулах ёстой" гэж хэллээ.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.