Авлигын гэмт хэрэг үйлдэж ял шийтгэл эдэлсэн болон эдэлж байгаа таван гишүүнийг МАН-аас хаслаа

Twitter Print
2022 оны 02-р сар 18-нд 17:45 цагт
Мэдээний зураг,

МАН-ын Хяналтын хорооны дарга Б.Баярбаатар сэтгүүлчдэд мэдээлэл хийлээ.

Тэрбээр "МАН-ын дүрэм дээд шүүхэд ес хоногийн өмнө бүртгэгдсэн. Энэ дүрмийн дагуу улстөрд нөлөөлөл бүхий байдлаа ашиглан авлигын гэмт хэрэг үйлдэж ял шийтгэл эдэлсэн болон эдэлж байгаа таван гишүүнийг МАН-аас хаслаа. Эдгээр нь УИХ-ын гишүүн асан Г.Солтан, Б.Ундармаа, Д.Дамба-Очир, Д.Хаянхярваа, ХХААХҮ-ийн сайд асан Э.Батзориг нар.

Мөн хэрэг нь шалгагдаж дуусаагүй хүмүүс байгаа. Эдгээр гишүүн 30 хоногийн дотор өөрсдөө гишүүнээс түдгэлзэх хүсэлтээ хүргүүлэх ёстой. Яллагдагчаар татагдсанаас хойш 30 хоногийн хугацааг тоолдог. Хяналтын хороо энэ хугацааг өнөөдрөөс тоолж эхэллээ. Мөн Хөгжлийн банктай холбоотой асуудлыг өнөөдрөөс хэлэлцэж эхэллээ гэж ойлгож болно" гэв.

Мөн тэрбээр Хөгжлийн Банкны асуудлаар мэдээлэл өглөө. 

Энэ сарын 28-ны дотор дүрмийн зүйл заалтыг зөрчсөн намын гишүүдийн судалгааг гаргаж ирүүлэхийг үүрэг болгож байгаа. Намын гишүүд холбогдох хууль хяналтын байгууллагаас ял шийтгэл эдэлж байгаагүй гэсэн тодорхойлолт хавсаргадаг болсон.

Хэрэгт холбогдоод шийдэгдээгүй, шалгагдаж байгаа намын гишүүдийн асуудал бий. Гэмт хэрэгт холбогдсон намын гишүүд намаас түдгэлзэх хүсэлтээ өөрсдөө ирүүлэх ёстой. Энэ 30 хоногийг өнөөдрөөс эхлэн тоолно. 

Хөгжлийн Банкны зээлтэй холбоотой асуудалд намын нэр бүхий хүмүүс холбогдсон. УИХ, Хөгжлийн Банкан дээр ажлын хэсэг байгуулагдаж ажиллаж байгаа. Хууль хяналтын байгууллага дээр МАН-ын гишүүд Хөгжлийн Банктай холбоотой асуудлаар яллагдагчаар татагдсан мэдээлэл байхгүй байна. Хяналтын ерөнхий хорооноос уг зээлийн асуудлаар нэр холбогдсон хүмүүсийн тус бүрийн нэрээр албан хүсэлтийг хууль хяналтын байгууллагуудад явуулахаар шийдвэрлэлээ. 

Хуулийн байгууллагууд хамтарч ажиллан лавлагааг цаг хугацаа алдалгүй гаргаж өгнө гэдэгт итгэж байна. Ажлын гурав хоногт багтаан албан тайлбар ирүүлэхийг доорх найман гишүүнд үүрэг болголоо. Үүнд:

  1. УИХ-ын гишүүн С.Бямбацогт,

  2. УИХ-ын гишүүн Г.Амартүвшин

  3. УИХ-ын гишүүн Х.Ганхуяг

  4. УИХ-ын гишүүн Г.Дамдинням

  5. УИХ-ын гишүүн асан М.Билэгт

  6. УИХ-ын гишүүн асан А.Сүхбат

  7. Барилга, хот байгуулалтын дэд сайд асан Ш.Лхамсүрэн 

  8. НИТХ-ын төлөөлөгч асан Ш.Үнэнбат нарт үүрэг болгосон. 

Хууль хяналтын байгууллагад яллагдагчаар татагдсан тохиолдолд 30 хоногийн хугацаанд намын гишүүнээс түдгэлзэх өргөдлөө ирүүлэхийг тогтоолд тусгалаа. МАН-ын дүрэмд 300 гаруй гишүүдийн санал туссан. Нэг ч гишүүнд ялгавартай хандах боломжгүй.

Хяналтын ерөнхий хороо Хөгжлийн Банктай холбоотой асуудлыг хэлэлцэж эхэллээ гэж ойлгож болно. Шинээр нөхцөл байдал үүсвэл Хяналтын ерөнхий хороо хариуцлагын асуудалд анхаарал хандуулна" гэлээ. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.