Иракийн Ерөнхий сайдын амь насанд халдлаа

Twitter Print
2021 оны 11-р сар 08-нд 11:04 цагт
Мэдээний зураг,

Иракийн нийслэл Багдадын Ногоон бүсэд байрлах Ерөнхий сайд Мустафа Аль Кадимигийн гэр тэсрэх бөмбөг тээвэрлэсэн дроны халдлагад өртжээ.

Тэсрэх бөмбөг тээвэрлэсэн дрон Ерөнхий сайдын гэрийг мөргөсний улмаас Ерөнхий сайдын 6 бие хамгаалагч шархджээ.

Эх сурвалжуудын мэдээлж байгаагаар Ерөнхий сайдын гэрийг чиглэн 3 дрон нисч байсан ба аюулгүй албаныхан хоёрыг нь замд нь буудан унагасан аж.

Ногоон бүс дүүрэг нь гадаадын улс орнуудын элчин сайдын яамд, консулын газрууд, төрийн албан байгууллагууд байрладаг өндөр хамгаалалт бүхий дүүрэг аж. Аюулгүй албаныхан Ерөнхий сайдын байшинг мөргөж дэлбэрсэн дроны үлдэгдлүүдийг шинжилж байгаа ба одоогийн байдлаар халдлагыг хэн зохион байгуулсан нь тодорхойгүй байна.

Зарим эх сурвалжуудын мэдээлж байгаагаар Исламын улс алан хядах бүлэглэл тулааны үеэр адил дрон ашиглаж байсан түүхтэй аж.

Damage to the Iraqi PM's home in Baghdad, 7 November

Иракийн тагнуулын албаны дарга асан Мустафа Аль Кадими нь 2020 оны 5-р сард Ерөнхий сайдын албан тушаалд томилогдсон юм.

Өнгөрсөн сард Иракт парламентын сонгууль болж өнгөрсөн ба шинэ засгийн газар нь одоог хүртэл бүрэлдээгүй байгаа аж Нөгөө талаас сонгуульд цөөн суудал авсан Аль-Фатх эвслийн гишүүд, дэмжигчид сонгуулийн үр дүнг хүлээн зөвшөөрөхгүй байгаагаа илэрхийлж, эсэргүүцлийн жагсаал цуглаан зохион байгуулсаар байгаа билээ.

10-р сард болсон Иракийн парламентын сонгуулийн ирц дөнгөж 41 хувьтай байсан ба энэ нь иракчууд эрх баригчид ямар нэг өөрчлөлт шинэчлэлт хийж чадахгүй гэж үзэж байгаатай холбоотой хэмээн ажиглагчид үзэж байна.

Эх сурвалж: CNN

Содномцэрэнгийн Энхзаяа 

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.