Сонгинохайрхан дүүргийн 7-р хорооны иргэд байгаль орчны мэдлэгээ нэмэгдүүллээ

Twitter Print
2014 оны 11-р сар 13-нд 15:54 цагт
Мэдээний зураг,

Цэнгэг усны нөөц, байгаль хамгаалах төв нь Улаанбаатар хотын захирагчийн Наран дах ажлын албатай хамтран энэ сарын 11-12-ны өдрүүдэд Сонгинохайрхан дүүргийн 5, 6, 7, 23, 27, 30, 31 дүгээр хорооны иргэдэд 2 өдрийн турш байгаль орчны боловсрол дээшлүүлэх сургалт зохион байгуулжээ.

Улаанбаатар хотын захирагчийн Наран дах ажлын алба тус төвөөс хоёр дах удаагаа сургалт авч байгаа бөгөөд өмнөх сургалтад дээрх долоон хорооны, иргэдийн нийтийн хурлын төлөөлөгчид хамрагдсан байна.

Хэсгийн ахлагчид бол хорооныхоо иргэдтэй хамгийн ойр тулж ажилладаг хүмүүс тул өөрсдөө мэдлэг, мэдээлэлтэй байж гэмээнэ бусдад заавар зөвөлгөө өгөх учраас ийнхүү сургалтад хамрагдах хүсэлтээ хүргүүлж байжээ. Харин энэ удаад тэд хорооныхоо иргэдийн байгаль орчны мэдлэгийг нэмэгдүүлэх үүднээс тус төвийн мэргэжилтэнгүүдтэй хамтран сургалт зохион байгуулсан байна.

Уг сургалтыг тус төвийн байгаль орчны боловсрол хариуцсан мэргэжилтэн Б.Сарантуяа болон Жайка олон улсын байгууллагын сайн дурын ажилтан Хироки Ёкояама нар удирдан явуулав. Тэд хог хаягдал, ус болон хөрсний бохирдол сэдвээр сургалтаа явуулж нийт 40 гаруй иргэнийг оролцуулжээ.

Дашрамд сонирхуулахад Сонгинохайрхан дүүрэг нь 1200.6 Км2 нутаг дэвсгэртэй. 2013 оны байдлаар 1 км2 нутагт 231 хүн ноогдож байсан. Нийт 32 хороонд хуваагддаг, хүн амын нягтрашил ихтэй дүүрэг юм. Цаашид гэр хорооллын иргэд, тэр дундаа ЕБС-ийн сурагчдынхаа хичээлээс гадуурх экологийн боловсролыг дээшлүүлэх үүднээс хорооныхоо ерөнхий боловсролын 9, 67 дугаар сургуулиудад сургалт авахаар ирэх оны төлөвлөгөөндөө тусгасан гэдгээ ажлын албаныхан дуулгасан юм.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.