Дэлхий нийтийг интернэтээр хангах сүлжээ байгуулна

Twitter Print
2014 оны 11-р сар 13-нд 07:39 цагт
Мэдээний зураг,

Дэлхий нийтийг интернэтээр хангах жижиг хиймэл дагуулын сүлжээг байгуулахаар төлөвлөж буйгаа Америкийн сансрын “SpaceX” корпорацийг үүсгэн байгуулагч, алдартай бизнес эрхлэгч Элон Маск нотолсон байна.

“Тойрог замд асар олон тоогоор гаргах орчин үеийн бичил хиймэл дагуул бүтээх “Space X” компанийн төсөл эхний шатандаа байгаа” гэж Маск “Twitter” сүлжээн дэх хуудсандаа бичжээ. Тэрбээр үүнээс өөр тодорхой мэдээлэл өгөөгүй байна. Гурваас дөрвөн сарын дараа уг төслийн талаар албан ёсоор мэдээлнэ гэж тэрбээр хэлжээ.

Элон Маск томоохон төсөл хэрэгжүүлэх гэж байгаа тухай “Wall Street Journal” сонинд өнгөрсөн долоо хоногийн сүүлээр мэдээлсэн байна. Тус сонинд мэдээлснээр, тэрбээр харилцаа холбооны 700 орчим жижиг хиймэл дагуулыг дэлхий орчмын тойрог замд илгээхээр төлөвлөж байгаа аж. Эдгээр хиймэл дагуул нь дэлхий нийтийг интернэтээр хангах юм.

Энэ төслөө Маск “Google” компанийн шилдэг менежер байсан, хиймэл дагуулын салбарт ажлын арвин туршлагатай Грег Уайлертай хамтран хэрэгжүүлэхээр төлөвлөж байгаа аж. 

“Wall Street Journal” сонинд мэдээлснээр, уг төслийн хөрөнгө оруулалт нэг тэрбум орчим доллар болох ёстой байна. Маск, Уайлер нар төслөө хэрэгжүүлэхэд томоохон корпорациудыг татан оролцуулахад бэлэн байгаа аж.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.