Гурван настай эм ирвэст дохиололтой хүзүүвч зүүлээ

Twitter Print
2014 оны 11-р сар 13-нд 07:40 цагт
Мэдээний зураг,

Увс аймгийн Цагаан шувуут уулын дархан цаазат газарт Орос, Монголын эрдэмтэд энэ оны 10-р сарын 25-наас 11-р сарын 10-ныг хүртэл ажиллалт хийн нэг цоохор ирвэс барьж дохиололтой хүзүүвч зүүжээ. Тэд цусны дээж авч бүх төрлийн хэмжилт хийсэн байна. Тус ирвэс нь 3 настай эм, 33 кг жинтэй аж. Хүзүүвчний мэдээллийг харахад тус ирвэсийг ОХУ-ын хил орчмоор явж байна. Хүзүүвч зүүснээр амьтаны байршил хөдөлгөөнийг судлах, мэдээлэл авах, цаашид судалгааны ажил хийхэд шаардлагатай мэдээллийг цуглуулах ач холбогдолтой юм.

Цоохор ирвэст хүзүүвч зүүх ажилд ОХУ-ын Тувагийн Увс нуурын хотгорын дархан цаазат газрын захиргааны эрдэм шинжилгээ эрхэлсэн орлогч дарга Куксин Александр Николаевич, ОХУ-ын Московагийн А.Н.Северцовын нэрэмжит Экологи-эволюцийн хүрээлэнгийн эрдэм шинжилгээний тэргүүлэх ажилтан Поярков Андрей Димитриевич, Ахлах ажилтан Александров Дмитрий Юрьевич, ШУА-ийн биологийн хүрээлэнгийн эрдэм шинжилгээний тэргүүлэх ажилтан, Монголын Ирвэс төвийн захирал Доктор Б.Мөнхцог, ДБХС-ын Монгол дахь хөтөлбөрийн газрын Алтай соёны бүсийн салбарын байгаль хамгаалал хариуцсан ажилтан доктор, дэд профессор О.Мөнхтогтох, Увс нуурын ай савын УТХГН-ийн Хамгаалалтын захиргааны мэргэжилтэн Н.Лхамсүрэн, Э.Жавзансүрэн, байгаль хамгаалагч О.Цэрэнжав, Цэрэндагва, Саальт хүрэн нөхөрлөлийн гишүүд хамтран оролцжээ.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.