Харумафүжи, Ичиножёо нар өвдөг шороодлоо

Twitter Print
2014 оны 11-р сар 12-нд 17:19 цагт
Мэдээний зураг,

Японы мэргэжлийн сумогийн энэ сарын тэмцээний дөрөв дэх өдрийн барилдаан боллоо. Өнөөдөр 69 дэх ёкозүна Хакухо Такарафүжиг, 71 дэх ёкозүна Какүрюү Тоёохэбикиг давсан бол 70 дахь ёкозүна Харумафүжи Точиоозанд унасан юм. Ингэснээр Харумафүжи часнаа доогуур бөхчүүдтэй дөрөв барилдахдаа хоёрт унаж, түрүүлэх бөхчүүдийн тооноос хасагдсан гэж хэлж болно. Учир нь башёгийн төгсгөлд аварга, арслангууд хоорондоо барилдах болохоор үлдсэн өдрүүдэд нэг ч унахгүй тэмцээнээ дуусгаж чадахгүйд хүрлээ.

Япон орныг доргиож байгаа сэкиваке Ичиножёо тэмцээний эхний өдрөөс л томчуудтай барилдсан. Тэрээр өнөөдөр озэки Гоэйдод унасан нь том сургамж боллоо. Кюүшюү башёд барилдаж буй манай бусад бөхчүүдээс Тамаваши Точиношинг, Кёкүтэнхо Токишорюүг, Араваши Шохозанг, Кёкүшюүхо Аюүмиг давсан байна. Харин Тэрүнофүжи хүчтэй озэки Кисэносатод унасан юм.

Арваннэгдүгээр сарын башёг ёкозүна Хакухо, Какүрюү, озэки Кисэносато, маэгашира Окиноуми, Кёкүтэнхо нар дөрвөн даваатай тэргүүлж байна. Маргааш буюу тав дахь өдөр Хакухо Тоёохэбики, Какүрюү Такарафүжи, Харумафүжи Икиой, Ичиножёо Такэказе, Тэрүнофүжи Тоёоношима, Кёкүтэнхо Сококурай, Араваши Миёогорюү, Кёкүшюүхо Чиёомарюүтэй барилдана.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.