М.Батбаатар: Орон сууцны ам.метр 800-900 мянган төгрөгөөр босдог

Twitter Print
2014 оны 11-р сар 12-нд 17:17 цагт
Мэдээний зураг,

Хотын утааг багасгах зорилгоор гэр хорооллыг орон сууцжуулах хөтөлбөр хэрэгжүүлж байгаа билээ. Үүнтэй холбоотой барилгын чанар, үнэ ханшийн талаар Монголын барилгачдын холбооны ерөнхийлөгч М.Батбаатартай ярилцлаа.

-Засгийн газраас гэр хорооллыг орон сууцжуулах хөтөлбөр хэрэгжүүлж байна. Энэ хөтөлбөр одоогоор хэр үр дүнтэй хэрэгжиж байна вэ?

-Үе үеийн Засгийн газарт Монголын барилгачдын холбооноос ард түмнийг орон сууцжуулах чиг лэлээр төсөл, хөтөлбөр боловсруулах саналыг сүүлийн 20 жил дэвшүүлж ирсэн. Зарим Засгийн газартай хамтран ажиллаж “40 мянган айлын орон сууц”, “100 мянган айлын орон сууц” төсөл хөтөлбөр боловсруулсан. Орон сууц жуулах хөтөлбөр нь тодорхой зорилготой, зорил тот бүлэгт чиглэсэн байх хэрэгтэй. Түүнээс биш өндөр үнээр зарж, баячуудад орон сууц олгох хөтөлбөр байх ёсгүй. Энэ чиглэлийг л баримталж ажиллаж байна. Тухайлбал, хотын гэр хороололд300 гаруй мянган айл өрх эсгий гэр, амины орон сууцанд амьдардаг. Эдгээр айл утаа гаргаж, агаар бохирдуулж байна гэсэн үг. Тиймээс утааг багасгахын тулд гэр хорооллыг орон сууцжуулах шаардлагатай. Гэтэл гэр хорооллын айлууд ихэвчлэн бага, дунд орлоготой байдаг. Энэ тал дээр манай холбооноос хатуу бодлого барьж байна. Зорилтот бүлэгт чиглэсэн орон сууцны төслийг Засгийн газар хэрэгжүүлэх ёстой. Өмнө нь барилгын өөрийнх нь өртөг дээр 30 хувийн ашгийг нэмэгдүүлэх үнийн зохицуулалт байдаг байсан. Дэлхийн бизнесийн хуулиар аливаа зүйл 30 хүртэлх хувийн ашигтай байдаг. Түүнээс гурав дахин илүү ашигтай байж болохгүй.

-Нийслэлд орон сууцны хорооллууд өдрөөс өдөрт нэмэгдэж байгаа ч ам.метрийн үнэ өндөр байна. Барилгын үнийг яаж тогтвортой барих ёстой вэ?

-Монголд барилга, орон сууцны ам.метр 800-900 мянган төгрөгөөр босдог. Үүн дээр бизнесийнхээ ашгийг нэмээд нэг сая 200-300 мянган төгрөг болдог. Ийм дундаж үнээр зарах ёстой. Үүний нэг жишээ “Буянт ухаа” хороолол. Энэ хорооллын ам.метрийн үнэ нь нэг сая 220 мянган төгрөг. Иргэдийн худалдан авах чадварт нийцсэн, бага дунд орлоготой иргэдэд зориулсан орон сууц болсон. Яг л ийм зарчмаар явах ёстой. Ингэхийн тулд дэд бүтцийг нь төсвөөс хийж өгөх, барилгын гол материалуудын үнийг тогтвортой байлгах хэрэгтэй. Мөн барилгын мэргэжлийн байгууллагуудад Засгийн газар арилжааны банкаар дамжуулан хөнгөлөлттэй зээл олгох нь зүйтэй санагдана. Ард иргэдэд найман хувийн зээл олгодогтой адил барилгын гүйцэтгэгч компаниудад ес, арван хувийн хүүтэй хөнгөлөлттэй зээл олговол сайнсан. Ингэж хоёр талд нь зээл олговол барилгын ажил хурдан явна. Өнөөдөр Монголд барилгын үнэ яагаад өсөөд байна вэ гэхээр түүнийг барьдаг байгууллагуудад ямар ч дэмжлэг алга. Тиймээс сүүлийн үед орон сууцыг мөнгөтэй нэг нь бариулж, зарахдаа түүнийгээ гурав дахин нэмдэг. Энэ механизмыг л үгүй хийх хэрэгтэй. Үүнтэй холбогдуулан бид эхний хэлэлцүүлгээ хийж, Дэлхийн банкны “Төлбөрийн чадварт нийцсэн орон сууцны хүрээлэн” гэдэг Америкийн байгууллага нийслэлтэй хамтарч иргэдийн төлбөрийн чадварт нийцсэн орон сууцны стратегийг боловсруулж байна. Иргэд урьдчилгаа30 хувь өгөх шаардлагагүйгээр газраа өгөөд шууд орон сууцанд орно. Гэр хорооллын иргэд төлбөрийн чадварт уялдсан орон сууцыг худалдаж авах боломжтой болно. Энэ нь ирэх сар гараад батлагдана. Бас үүнтэй холбогдуулан Нийслэлийн орон сууцны санхүүжилтийн корпорацийг байгуулна. Орон сууцны үнийг ийм маягаар бодит байдалд хүргэнэ.

-Гэр хороололд нэг хашаанд доод тал нь 2-3 айл амьдардаг. Гэтэл газраа орон сууцаар солиход түүнээс нэг айл нь орон сууцанд орох боломжтой байдаг. Үүнийг яаж зохицуулах ёстой вэ?

-Ийм асуудал их байдаг. Гэхдээ 30 хувийн урьдчилгаагүй ам.метр нь сая гаруй төгрөгийн үнэтэй орон сууцанд оруулна. Хотын дарга Э.Бат-Үүл “Сард 100, 200 мянган төгрөг төлөөд таван жил болбол шууд байрыг нь өгнө” гэж ярьсан. Ийм стратегид хүрвэл нэг хашаанд амьдарч байгаа таван айлын хоёр нь орон сууцанд орно. Харин үлдсэн гурван айл нь боломжийн үнээр байр авах боломжтой. Гэтэл иргэдийг найман хувийн зээлд хамруулж байгаа нэрээр арилжааны банкууд “30 хувийн урдчилгаа төл. Хашаа, байшингаа барьцаанд тавь” гэх зэрэг өндөр шаардлага тавьдаг. Үүнийг хялбарчлах арга боловсруулж байна.

-Сүүлийн үед барьж буй орон сууцнуудыг иргэд чанар муутай гэж шүүмжилдэг. Барилгын материалаас шалтгаалж байна уу. Юунаас болж чанаргүй барилга барьж байна вэ?

-Орон сууцны чанарт хяналт тавих хэрэгтэй. Хямд учир чанаргүй байх ёстой гэсэн ойлголт байхгүй. Төрийн сонгон шалгаруулалтаар барьж байгаа эмнэлэг, сургууль, цэцэрлэг зэрэг барилгын ам.метр нь 500-600 мянган төгрөг. Гэтэл тэд чанаргүй биш, чанартай. Тий мээс чанар муутай ма те риалаар барьж байна уу, үгүй юү гэдэгт хяналт тавих хэрэгтэй. Орос, Хятадад барилгын ма териалын үнэ тогт вортой байна. Хэ рэв үнэ хямд хэрнээ чанар муутай барилга барьж байгаа бол өндөр үнээр байшин зардаг хүмүүсийн явуулга байх. Түүнээс биш Монголын барилгачид чанаргүй барилга бариагүй. Гэхдээ ний тээр нь чанартай ма те риал хэрэглэдэг бол гох хэрэгтэй. Манай холбоо сүүлийн хоёр жилд Германы олон улсын хамтын ажиллагааны нийгэмлэгтэй хамтран Герман улсын Лавцек хотод сар болгон 21 хоногоор хорь гаруй инженер, техникийн ажилчдыг сургалтад хамруулж байна.

-Барилгын ил далд тендер сүүлийн үед олон нийтэд зарлагдах болсон. Барилгын компаниуд тендер авчихаад барилгаа хугацаанд нь ашиглалтад оруулдаггүй. Энэ тал дээр арга хэмжээ авдаг уу?

-Тендерийн хууль чанга болсон. Сонгон шалгаруулалтад шалгарсан компаниуд 30 хувь хүртэлх ажлыг өөрийн хөрөнгөөр хийдэг. Ажлаа дуусахаар 30 хүртэлх хувийг нь барьцаанд авдаг гэх мэт чанга заалтууд байдаг. Жишээ нь дөрвөн тэрбум төгрөгийн ажлыг барилгын гүйцэтгэгч байгууллага авахад түүний 30 хувь буюу тэрбум гаруй төгрөгийн ажлыг өөрийн хөрөнгөөр хийнэ. Тэгэхээр банкнаас өндөр хүүтэй зээл авах болдог. Гэтэл энэ нь тус байгууллагад дарамт авчирдаг. Тиймээс Монголын барилгачдын холбоо тендерийг хөнгөвчлөх саналыг нийслэлийн Хөрөнгө оруулалтын газар, Сангийн яам, Худалдан авах ажиллагааны газарт хүргүүлсэн.

-“Олон давхар атлаа суурь муутай барилгууд их барьж байна. Улаанбаатар хотод газар хөдөлбөл эдгээр байшин нурна” гэж мэргэжлийн хүмүүс ярьдаг. Энэ нь үнэнд хэр ойр вэ?

-Чанарын хяналтыг сайн хийх хэрэгтэй. Бетоны хаталтыг 28 хоног хүлээх ёстой. Өөрөөр хэлбэл, нэг сард нэг давхар барих ерөнхий норм байдаг. Гэтэл энэ хугацаанд 10 давхар барьдаг. Хурдан зарахын тулд өдөр шөнөгүй бариад нойтон чигээр нь зарах санаатай байдаг. Улаанбаатар хот газар хөдлөлтийн идэвхтэй бүсэд хамаардаг. Тиймээс барилгаа чанартай барих нь чухал. Ба рилгын чанарыг шалгадаг багаж их орж ирж байна. Одоо эхнээсээ шалгаж эхэлж байгаа.

-Европын орнуудыг харж байхад заавал өндөр барилга барихгүйгээр хувийн газартаа хаус барих нь элбэг байдаг. Манайд энэ маягаар газарт нь хаус барих боломжтой юу?

-Улаанбаатар хотын хувьд дөрвөн уулын завсар байрладаг уулархаг газар учраас амины орон сууцны хаусыг барих боломжгүй. Хэрэв баривал дагуул хотод хол барьж болох юм. Ойрын хугацаанд Улаанбаатарт олон давхар орон сууц барьж утаа гаргадаг айл өрхүүдийг хурдан оруулах гол зорилго байна. Тодруулбал, гэр хороололд амьдарч байгаа 300 гаруй иргэн байдаг. Эдгээр иргэнийг орон сууцанд оруулах шаардлагатай. Яагаад гэвэл, агаарын бохирдол, хөрсний бохирдлын гол эх үүсвэрийг бүр дүүлж байдаг. Гэр хорооллын агаа рын бохирдол, хөрсний бохирдол, гэр хорооллын нөхцөлөөс үүдэж байгаа гэмт хэрэг улсад дарамт болж байдаг. Үүнээс үүдэн их хэмжээний зарлага гарч байна. Гэтэл эдгээр айлыг орон сууц жуулбал тэр зарлагыг хэм нэнэ. Улс тэртэй тэргүй их хэм жээний зарлага гаргадаг. Түүнийг орон сууцанд орох хү мүү сийн урьдчилгаа төлбөртэй харь цуулаад тэнцүүлэх хэрэгтэй. Тэ гэхээр “Буянт ухаа2” шиг ам.метр нь нэг сая 180 мянгад дөхөөд ирнэ гэсэн үг.

М.Энхцэцэг

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.