Хятадын Шадар сайд асан Жан Гаолийг бэлгийн хүчирхийлэлд буруутгасан газрын теннисчин сураггүй алга болжээ

Twitter Print
2021 оны 11-р сар 19-нд 14:45 цагт
Мэдээний зураг,

Хятадын Шадар сайд асан Жан Гаоли өөрийг нь хүчирхийлсэн хэмээн Хятадын Weibo нийгмийн сүлжээнд бичсэн Хятадын газрын теннисийн тамирчин Пэн Шуай сураггүй алга болжээ.

Түүний Хятадын улс төрийн ахмад зүтгэлтний эсрэг хийсэн мэдэгдэл анхны тохиолдол гэнэ. 2013-2018 онд Хятадын шадар сайдын албан тушаалыг хашиж байсан, Ерөнхийлөгч Си Жиньпины ойрын түнш гэгддэг Жан Гаоли ямар нэг хариу мэдэгдэл хийгээгүй юм.

Цагтаа дэлхийн шилдэг теннисчдийн нэг байсан Пэн Шуай Weibo нийгмийн сүлжээнд шадар сайд асан Жан Гаолигийг тухай үнэнийг илчлэхээс айхгүй хэмээн Weibo сайтад болсон явдлын тухай тодорхой бичсэн ч удалгүй устгагдсанаас гадна Хятадын цахим хайлтын системээс Пэн Шуайн нэр хасагджээ.

Түүний бичсэнээр Жан Гаоли Пэн Шуайг анх гэртээ теннис тоглохыг урьсан өдрөө хүчирхийлсэн ба тэр өдрөөс хойш өөртэй нь дотно харилцаатай болохыг шаарджээ. 35 настай Пэн Шуай, "Надад ямар ч нотлох баримт байхгүй, байх ч боломжгүй байсан. Намайг бичлэг хийчих байх гэж үргэлж хардаж, шалгадаг байсан. Тийм ч учраас уг хэрэг явдалтай холбоотой ямар ч дуу, дүүрсний бичлэг байхгүй. Зөвхөн таагүй муухай дурсамж л үлдсэн." хэмээн бичжээ.

2018 онд Хятадын телевизийн нэвтрүүлэгч Жоү Сяосюань телевизийн од Жү Жүний бэлгийн хүчирхийлэлд өртсөн талаараа бичсэнээр Хятад даяар охид бүсгүйчүүд өөрсдийн бэлгийн хүчирхийлэлд өртсөн түүхүүдээ хуваалцаж эхэлсэн юм. Жоү Сяосюань Жү Жүнийг шүүхэд өгсөн ч шүүх хэргийг хэрэгсэхгүй болгосон юм.

Нөгөө талаас Хятадын шүүх бэлгийн хүчирхийллийн хэргийг шүүх нь ховор байдаг ба Хятадын эрх баригчид бэлгийн хүчирхийллийн гэмт хэрэгт ямар төрлийн хэргүүдийг багтаах тухай хуулийн төслийг саяхан баталсан билээ.

Олон улсын эмэгтэйчүүдийн теннисний холбооноос Хятадын алдарт теннисчин Пэн Шуайг сураггүй алга болсонд санаа зовниж буйгаа илэрхийлжээ. Теннисний холбооны тэргүүн Стив Саймонд "Теннисний холбоо болон дэлхий дахинд түүний аюулгүй байгааг нотлох баримт хэрэгтэй" гэв.

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.