Салхитын ордын хахуулын хэрэгт холбогдсон 6 шүүгчээс хоёр нь 3-5 жилийн хорих ял авчээ

Twitter Print
2020 оны 05-р сар 23-нд 10:35 цагт
Мэдээний зураг,

Уг ордын маргааныг шүүхээр шийдэхдээ 10-170 сая төгрөгийн хахууль авсан хэрэгт 6 шүүгч холбогдсон билээ. 

Улсын дээд шүүхийн Иргэний хэргийн танхимын шүүгч

Ц.Амарсайхан

Г.Цагаанцоож

Д.Цолмон

Чингэлтэй дүүргийн Иргэний хэргийн танхимын ерөнхий шүүгч Б. Сайханцэцэг

Захиргааны хэргийн давж заалдах шатны шүүхийн шүүгч Э.Халиунбаяр

СХД-ийн Иргэний хэргийн танхимын ерөнхий шүүгч Б.Цолмонбаатар нарыг авлигалын хэрэгт холбогдуулан шалгасан. Мөрдөн байцаалтын явцад УДШ-ийн шүүгч Ц.Амарсайхан БНСУ-д эмчилгээнд яваад ирээгүй. Хэргийг нь тусгаарласан. ЧД-ийн Иргэний хэргийн танхимын Ерөнхий шүүгч Б.Сайханцэцэг нь хэргийн оролцогчоос авсан мөнгөө зээлсэн болгон шүүхээр шийдвэр гаргуулж тусгаарлуулжээ.

Харин УДШ-ийн шүүүгч Г. Цагаанцоож Д.Цолмон нар цагаадсан бололтой. Ингээд дээрхи 6 шүүгчээс шүүгчдэд авлигал өгөх ажлыг зохион байгуулахад оролцсон , авлигал зуучилсан 2 шүүгч л хорих ял авсан байна.

Шүүгчдэд хахууль өгөхөд оролцож зуучилсан Захиргааны хэргийн давж заалдах шатны шүүгч Э. Халиунбаярт 3 жил хорих ял, мөн авлига өгөх ажлыг гол зохион байгуулалцаж , зуучилсан СХД-ийн ИХТ-ын ерөнхий шүүгч Б.Цолмонбаатарт 5 жилийн хорих ял тус тус оноожээ. Шүүгч Б.Цолмонбаатар нь Салхитын ордоос гадна өөр хэрэгт мөн авлигал авсан асуудалд давхар холбогджээ.

Шүүгч Б.Цолмонбаатар нь Салхитын ордын лицензийг булаалдагч Ш.Мөнгөншагайн хүргэн дүү болох Г.Жаргалангийн үеэл юм. Салхитын ордын авлигалын хэргийг зохион байгуулсан гэх Ш. Мөнгөншагай,Г.Жаргалан нарт 3 жилийн хорих ял тус тус оноожээ. Мөрдөгчид Г.Жаргалангийн 220 К орон сууц дахь гэрээс 1,3 сая ам доллар буюу 3 тэрбум төгрөгтэй тэнцэх хэмжээний бэлэн доллар илрүүлэн хураасан билээ. Шүүгчдээс гадна ХУД-ын Цагдаагийн хэлтсийн Мөрдөн шалгах хэлтсийн дарга Г. Алтан-Очир мөн уг авлигалын хэрэгт холбогдсон. Түүнд 3 жил хорих ял оноожээ.

Сэтгүүлч Б.Отгон

 
 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.