Даваа гарагаас улбар шар бүс рүү шилжиж, дараах 14 салбарын үйл ажиллагааг хязгаарлана

Twitter Print
2021 оны 03-р сар 13-нд 18:05 цагт
Мэдээний зураг,

Монгол Улсад коронавирусийн халдварын идэвхжил нэмэгдэж, өдөрт илрэх тохиолдлын тоо 100-аас буурахгүй байгаа билээ. Иймээс ЭМЯ-наас олон нийтийн хөдөлгөөнийг багасгаж, нийслэлд тогтоосон эрсдэлийн түвшинг нэмэгдүүлж, зарим байгууллагын үйл ажиллагааг хязгаарлах саналыг УОК-т хүргүүлсэн. 

УОК-оос гуравдугаар сарын 15-наас буюу даваа гарагаас нийслэлд тогтоосон эрсдэлийн түвшинг нэг шат ахиулж, улбар шар бүс рүү шилжих шийдвэрийг гаргажээ. Улбар шар бүс рүү шилжсэнээр дараах 14 байгууллагын үйл ажиллагааг хязгаарлах юм байна. Үүнд,

1. Жагсаал, цуглаан, уралдаан тэмцээн

2. Аялал зугаалга, хурим найр, цайллага, хүлээн авалт

3. Баар /Диско, кароаке/

4. Өргөтгөсөн болон үзэсгэлэн худалдаа

5. Цахим болон бүх төрлийн тоглоомын газар

6. Сургалтын төв /танхимын болон үйлдвэрлэлийн сургалт 10-аас дээш хүнтэй/

7. Соёл урлаг 

8. Үзвэр үйлчилгээ /нийт суудлын тооны 30 хувиас их/

9. Алжаал тайлах төв 

10. Чийрэгжүүлэх, бялдаржуулах төв /Нийт хүчин чадлын 30 хувиас их/

11. Саун, бассейн /Нийт хүчин чадлын 30 хувиас их/ 

12. Дэн буудал 

13. Шашны зан үйл-гандан, сүм хийд, мөргөлийн газрууд 

14. Олимп, олон улсын тэмцээний бэлтгэлээс бусад биеийн тамир, спортын арга хэмжээ /дотоод орчинд 10-аас дээш хүнтэй/

Мөн хотоос орох гарах хөдөлгөөнийг энэ сарын 15-ны өдрөөс хаахаар боллоо.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.