Исгэрэх зуршилтай хүнд мөнгө тогтдоггүй

Twitter Print
2017 оны 12-р сар 02-нд 14:15 цагт
Мэдээний зураг,

Мөнгөнөөс болж хүмүүсийн хооронд сэв суух, өөрчлөлт орох, тэр ч бүү хэл ах дүүгийн тангараг тасрах нь ч орчин үед жирийн үзэгдэл болжээ. Хүн бус мөнгө шүтээн болсон гэхэд хилсдэхгүй. Мөнгө бол мэдээж амьдралын зайлшгүй хэрэгцээ. Гэхдээ мөнгөтэй буруу харьцах, мөнгийг хэт шүтсэнээр хүмүүсийн амьдрал доройтох, хэчнээн зүтгээд ч өөдлөн дэвших зам нь хаагдах ч байдаг. Тэгвэл та ямар бизнес эрхэлж байгаагаас үл хамааран эхлээд өөрийн бодол сэтгэл, хандлагаа эерэг тийш нь өөрчлөх хэрэгтэй.

Мөнгөтэй болох, баяжихыг хүсдэггүй хүнийг өнөө цагт хайгаад ч олдохгүй биз. Бүгд л сайхан амьдрахыг хүсдэг. Гэхдээ танд зөвлөхөд:

-Хэт шунал гай барцадаас өөр сайхан зүйл авчрахгүй. Амьдрал тань боломжийн л байна. Үүндээ сэтгэл амар, хангалуун байж сур.

-Орлогоо дээшлүүлэхийг хүсвэл эхлээд зорилгоо тодорхойл. Та өөрөө сэтгэл санааны хувьд ч тэр хэр бэлтгэлтэй байгаагаа дэнсэлж үзэхэд гэмгүй. Гагцхүү мөнгө, ашиг хонжоог эрхэмд тавибал та бүтэлгүйтэнэ. Мөнгө тогтохгүй бол халаасандаа аалз хий.

-Мөнгийг дэлгэж өгөхгүй, харин нугалаад ар талаар нь өгч байх,

-Үдэш орой мөнгө тоолох, мөнгөний хэрүүл хэзээ ч бүү хий. Мөнгө үргэдэг.

-Нар жаргаснаас хойш гадны хүнд мөнгө өгөхгүй байх,

-Мөнгө санамсаргүй унагасан тохиолдолд баруун гараараа түүж авах,

-Тод шар, улаан өнгийн түрийвчинд мөнгөө хий. Тэгвэл мөнгөний даллага ирнэ.

-Ус горхи, далай тэнгис урсаж буй зурагтай өрөөнд мөнгөө бүү хадгал "урсаад" явчихна. Өөрөөр хэлбэл тогтохгүй.

-Даваа, ням гарагуудад мөнгө зээлэхгүй, мөн өрөө төлөхгүй байвал танд тустай.

-Оройн цагаар хог хаях, шалаа шүүрдэхийг тэвч ирж болзошгүй азыг үргээж болзошгүй,

-Шинэ байранд орохдоо задгай мөнгө шалан дээр асгах. Баяжихын тэмдэг.

-Гээж хаясан мөнгөндөө хэзээ ч бүү харамс. Гай тотгорыг чинь хаасан байж магадгүй.

-Хэзээ ч бүү гасал, бүү исгэр. Ийм зуршилтай хүнд хэзээ ч мөнгө тогтдоггүй.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.