Токиогийн Олимпийг хойшлуулах эсэхийг Олон улсын Олимпийн хороо шийднэ

Twitter Print
2020 оны 03-р сар 05-нд 15:43 цагт
Мэдээний зураг,

Токио 2020 Олимпийн наадмын зохион байгуулалтыг хариуцаж буй сайд Сейко Хашимотогийн мэдэгдсэнээр ирэх 7-р сарын 24-нөөс 8-р сарын 9 хүртэл зохион байгуулагдахаар төлөвлөгдсөн Олимпийн наадам коронавирусын халдварын дэгдэлттэй холбоотойгоор хойшилж болзошгүй гэнэ.

Тэрээр Японы парламентад хийсэн мэдэгдэлдээ Олон Улсын Олимпийн Хороотой хийсэн гэрээнд Олимпийг 2020 ондоо багтаан зохион байгуулах тухай тусгагдсан, ингэснээр Токио 2020 Олимпийн наадмыг хойшлуулж, энэ жилийн сүүлээр зохион байгуулах боломжтой болохыг онцолжээ. Сейко Хашимото, "Олимпийн наадмыг төлөвлөснийхөө дагуу зохион байгуулахын тулд бид боломжтой бүгдийг хийж байна." гэжээ.

Олимпийн наадмыг зохион байгуулагч орны ОУОХ-той хийсэн гэрээний дагуу Олимпийн наадмыг цуцлах эсэхийг ОУОХ шийддэг байна. Тэгвэл энэ мягмар гарагт Швейцарийн Лозанна хотод болсон хурлаар ОУОХ Токио 2020 Олимпийн наадам амжилттай болно гэдэгт итгэлтэй байгаагаа онцлон, Токиогийн Олимпийг зохион байгуулагч нарын авч буй арга хэмжээнүүдийг сайшааж байгаагаа илэрхийлжээ. ОУОХ-ны Ерөнхийлөгч Томас Бах, "Тамирчдыг бэлтгэлээ үргэлжлүүлэн хийхийг уриалмаар байна.

Tokyo 2020 could be postponed to end of year - Japan's Olympic minister-н зурган илэрц

Бид тамирчид болон Олимпийн хороодод гарч буй мэдээ мэдээллийг цаг тухайд нь хүргэж, дэмжин ажиллах болно." хэмээн мэдэгджээ. Түүнчлэн Токиод болох Олимпийн наадмыг амжилттай зохион байгуулах үүднээс өнгөрсөн сарын дундаас эхлэн ОУОХ, Токио 2020 Олимпийн наадмыг зохион байгуулагчид, Токио хотын удирдлагууд, Японы засгийн газар болон ДЭМБ хамтран ажиллаж байгаа аж. 

Эх сурвалж: BBC

Содномцэрэнгийн Энхзаяа 

Mongolcom.mn

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.