“Жаст”-ын Ш.Батхүүд найман жилийн хорих ял ногдуулж, Г.Алтанг цагаатгалаа

Twitter Print
2020 оны 10-р сар 22-нд 19:40 цагт
Мэдээний зураг,

Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхэд 14 өдөр үргэлжилсэн "Жаст" группын захирал асан Ш.Батхүү, "Алтжин" группын захирал Г.Алтан нарын зургаан хүнд холбогдох шүүх хурал өндөрлөлөө.

Шүүхээс Ш.Батхүүд 8 жилийн хорих ял оноосон бол “Эрдэнэт” үйлдвэрийн Ерөнхий захирал асан Ч.Ганзориг болон Б.Мөнхжаргал, Г.Амарбат нарын хэргийг хэрэгсэхгүй болгожээ. Харин "Алтжин" группийн захирал Г.Алтан, түүний хүү Э.Сүрэн нар гэмт хэрэг үйлдсэн нь тогтоогдоогүй тул цагаатгасан байна.

Нийслэлийн прокурорын газраас:

• “Жаст групп” ХХК -ны захирал Ш.Батхүүг Эрүүгийн хуулийн тусгай ангид заасан “Залилах”, “Хуулийн этгээдийн эрх мэдлийг урвуулан ашиглах”, “Хуурамч бичиг баримт үйлдэх, ашиглах” ,”Нотлох баримт хуурамчаар үйлдэх, устгах”, “Мөнгө угаах гэмт хэрэгт

• “Эрдэнэт үйлдвэр” ХХК-ны Ерөнхий захирал асан Ч.Ганзоригийг Эрүүгийн хуулийн “Хуулийн этгээдийн эрх мэдлийг урвуулан ашиглах”/ гэмт хэрэгт,

• “Эрдэнэт үйлдвэр” ХХК-ны Хуулийн хэлтсийн дарга асан Б.Мөнхжаргалыг Эрүүгийн хуулийн “Хуулийн этгээдийн эрх мэдлийг урвуулан ашиглах” гэмт хэрэгт,

• “Эрдэнэт үйлдвэр” ХХК-ны Худалдааны хэлтсийн дарга асан Г.Амарбатыг Эрүүгийн хуулийн “Хуулийн этгээдийн эрх мэдлийг урвуулан ашиглах” гэмт хэрэгт,

• “Алтжин групп”-ын Ерөнхий захирал Г.Алтжинг Эрүүгийн “Нотлох баримт хуурамчаар үйлдэх, устгах”,”Залилах” гэмт хэрэгт,

• Э.Сүрэнг Эрүүгийн хуулийн “Нотлох баримт хуурамчаар үйлдэх, устгах”, “Залилах”гэмт хэрэгт холбогдуулан ЯЛЛАХ ДҮГНЭЛТ үйлдэн шүүхэд хүргүүлээд байсан билээ.

Б.Отгон

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (77.37.225.98) 2020-10-22 20:41
      • 0
      • 0

      Батхүүг шийдэх гэж суулгасаар бгаад 8 жил нь дөхөж бгаа бх.

      Хариулах