Баянзүрх дүүргийн татварынхан өөрсдийгөө 20-800 сая төгрөгөөр шагнажээ

Twitter Print
2014 оны 11-р сар 08-нд 21:57 цагт
Мэдээний зураг,

Монгол Улсын авлигын индекс буурч буй үзүүлэлттэй гарч байгаа ч өндөр түвшний авлига илүү өргөн хүрээг хамрах болжээ. Энэ нь даамжирсаар үндэсний аюулгүй байдалд нөлөөлөх хэмжээнд очсоныг судлаачид өгүүлж байгаа юм. Мөн энэ нь аюултай гэдгийг Төрийн ордонд болсон “Авлига ба үндэсний аюулгүй байдал” онол практикийн бага хурлын илтгэгчид онцоллоо.

Эдүгээ Монгол Улсын төсвийн орлогоо 700-800 тэрбум төгрөгөөр тасарч байгаа талаар Сангийн яамныхан хэлж буй. Гэвч төсвийн орлогыг шат шатандаа үрэн таран хийж буй үзэгдэл газар авсаар байна.

“Авлига ба үндэсний аюулгүй байдал” онол практикийн бага хурлын үеэр АТГ-ын Мөрдөн шалгах хэлтсийн дарга Э.Амарбат төсөвт орлого бүрдүүлдэг татварын албаныхан өөрсдийгөө төсвийн мөнгөөр яаж шагнадаг тухайд тоо баримттад түшиглэн мэдээлэв.

Баянзүрх дүүргийн татварын хэлтэс Засаг даргын 2014 оны хоёрдугаар сарын 6-ны өдрийн захирамжаар 2013 оныхоо бүтэн жилийн ажлын үр дүнгийн гэрээгээр хүлээсэн үүргээ давуулан биелүүлсэн гэж үзжээ.

Орлогын төлөвлөгөөг 2.58 тэрбум төгрөгөөр биелүүлсэн тул дүүргийнхээ татварын хэлтэст 775.9 сая төгрөг, хэлтсийн дарга н.Сайнбуянд давсан орлогын хэсгээс 8 хувиар тооцон, 206.9 сая төгрөгийг урамшуулал болгон олгосон байна.

Түүнчлэн татварын хэлтсийн урамшууллаас орон нутгийн орлого бүрдүүлэгч дүүргийн бүртгэлийн хэсэгт 20 сая төгрөг олгосон. Бүртгэлийн тасгийн дарга нь уг хөрөнгөөр хувьдаа автомашин авч унасан болохыг АТГ-аас тогтоожээ.

Нийслэлийн бусад дүүргийн тухайд ч ялгаагүй хэлтэс, тасгийн дарга нарт жил дараалан 30-50 сая төгрөг, байцаагч албан хаагч нарт 100 мянгаас 5 сая төгрөг, зарим тохиолдолд нийгмийн асуудлыг нь шийдэж байгаа нэрийдлээр түүнээс илүү мөнгийг тараан өгдөг байна. 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.