Тэд улайрчээ

Twitter Print
2014 оны 11-р сар 08-нд 17:48 цагт
Мэдээний зураг,

Улайрсан бүхэн аюултай байдаг. Ганц үнээ булаалдсан улайрсан бухнууд айл хот түйвээх нь юу ч биш. Замдаа тааралдсан бүхнийг сүйтгэдэг. Мөн нүхийг нь бөглөсөн хулганууд ч улайрдаг. Сүйтгэж өгдөг. Ардчилсан намаас З.Энхболд, “Женко” Баттулга, Э.Бат-Үүл гурав ёстой жинхэнэ утгаараа улайрч байна. Тэд Н.Алтанхуягаас л хамаг бүхнийг салгаж байвал улс орон, нам, гишүүд ёстой хэн ч, юу ч биш гэж үзэж буй бололтой. Н.Алтанхуяг ч төрийн өндөр албан тушаалд бөгс нь холгохоор болсон хүмүүст тун их саад хийжээ.

“Женко” Х.Баттулга Орост өгсөн амлалтаа биелүүлж, өрөө төлөх гэсэн нүхийг нь бөглөсөн юм. Тэгээд л “Женко” улаан цагаандаа гарч байгаа болохоос түүний улс орноо боддог гэж хаа байсан юм. Э.Бат-үүл баахан ногоон гялгар уут тарааж, хэдэн тэрбумыг замын боржуур нэртэйгээр хамтарч цохисон булхай нь хожим хойно түүний толгойд булуу хурааж магадгүй тул бас нүхгүй болоод улайрчээ. 906 тэрбум төгрөг хотод өгөөд байхад чамлахыг бодоход Үүлэн үстийн шунал үнэхээр тэнгэрт гарсан гэдэг үнэн байна. З.Энхболд Ерөнхий сайдын суудлыг л авч байвал хүн алж хүрээ талахаас буцахгүй яваа болохоор улайралгүй яахав. Тэд ингэснээрээ намаа Монгол ардын нам буюу сөрөг хүчнийхээ өмнөх тавган дээр тавтай зооглоно уу гээд тавьсантай тун адилхан боллоо. Тэдэнд өнөөдөр л өөх үмхэж байвал 2016 оны сонгууль, 2017 оны Ерөнхийлөгчийн сонгууль энэ тэр ёстой падгүй бололтой. Яагаад гэхээр эд нарт дахин улстөрд орох магадлал бараг байхгүй. Ард түмэн ч хүлээн зөвшөөрөхгүй нь тодорхой болсон.

З.Энхболд л гэхэд Өвөрхангайд очих нүүргүй. Харин одоо бушуухан шиг Н.Алтанхуягийн албан тушаалыг авахгүй бол иргэдийн дунд Ерөнхий сайдын нэр хүнд өсөөд байгаа юм. Бас хүссэн хүсээгүй, муу хэлүүлсэн хэлээгүй бондын мөнгөөр юм хийгээд байгаа юм. Тиймээс Н.Алтанхуягийн хийсэн бүхнийг өвлөх гэж амиа тавихаас наахнуур улайрч байна. Аль ч утгаараа. Үнээ булаацалдсан бух шиг ч улайрч байна. Сөрөг хүчнийхээ өмнө намаа тавьж өгснөөр өөрсдөө ч өнгөний хувьд коммунист маягтайгаар улайрч байна. Тэд улайрчээ.

Н.Халиун

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.