Бельгид эсэргүүцлийн жагсаалыг хүчээр тараалаа

Twitter Print
2014 оны 11-р сар 08-нд 09:54 цагт
Мэдээний зураг,

Хойд Европын орнуудад эдийн засгийн байдал харьцангуй тогтвортой байдаг. Харин өчигдөр Бельгийн Брюссель хотод Засгийн газрын шийдвэрийг эсэргүүцэж 100 мянга гаруй ажилчин жагсаал хийжээ. Засгийн газраас төсвийн мөнгийг танах бодлого баримталж байгаад нь иргэд дургүйцсэн байна.

Цагдаа нар гудамжинд жагсаж байсан усан онгоц, төмрийн үйлдвэрийн ажилчид болон оюутнуудыг тараахын тулд усаар шүршиж, нулимс асгаруулах хий ашигласан гэдгийг Олон улсын агентлагууд мэдээллээ. Цагдаа, иргэдийн хоорондох мөргөлдөөний үеэр 14 хүн бэртэж эмнэлэгт хүргэгдсэн аж.

Бельгийн Засгийн газар саяханаас тэтгэвэрт гарах насыг нэмсэний зэрэгцээ цалин хөлсийг нэмэхээ больжээ. Мөн Европын холбооны зорилтуудыг хангах үүднээс эрүүл мэнд, нийгмийн үйлчилгээний зардлыг багасгаж эхэлжээ.  Нөгөөтэйгүүр эрх баригчид төсвийн зардлыг багасгаснаар 11 тэрбум еврог хэмнэнэ гэж үзэж байгаа бол тус улсын Үйлдвэрчний эвлэл үүнийг эсэргүүцэж, улмаар олныг хамарсан жагсаал зохион байгуулсан нь энэ юм.

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.