Техасын багуудын тулаанд “Рокетс” хожлоо

Twitter Print
2014 оны 11-р сар 07-нд 15:20 цагт
Мэдээний зураг,

Өнөөдөр NBA-ийн талбайд өрнөд бүсийн шилдэг багуудын тулаан боллоо. Техас мужийн Хьюстон хотын “Тоёота” спортын ордонд “Сан Антонио Сперс” зочлон тоглосон. Талбайн эздээс Д.Ховард 32 оноо, 16 самбар, Ж.Харден 20 оноо, 6 оновчтой дамжуулалт, Ж.Терри 16 оноо, И.Канаан 16 оноо авчээ. Харин өнгөрсөн улирлын аварга “Сан Антонио”-гоос Т.Данкан, М.Жинобили, М.Белинели зэрэг тоглогчдоо Г.Попович амрааж, Т.Паркер, К.Леонард, М.Боннер, Д.Грин, Б.Диав нарыг талбайд гаргасан. Залуу тоглогч К.Жозеф 18 оноо, А.Бейнс 12 оноо, 12 самбар, Д.Грин 10 оноо, Т.Паркер 6 оноог багтаа нэмэрлэж, 98:81-ын харьцаатай “Хьюстон Рокетс” ялалт байгууллаа.

Энэ өдрийн хоёр дахь тоглолт “Портлэнд Блэзерс”-“Даллас Маверикс” багуудын хооронд боллоо. Талбай дээрээ тоглосон “Портлэнд”-ээс Л.Алдриж 20 оноо, Д.Лиллард 18 оноо, К.МакКоллин 13 оноо, У.Маттеус, К.Каман нар 12 оноо авав. Тэдний өрсөлдөгч “Даллас”-аас Д.Новицки 17 оноо, М.Эллис 14 оноо, К.Парсонс 11 оноо авсан ч бусад хангалтгүй тоглолт үзүүлж 108:87-гоор хожигдсон байна.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.