Энэ долоо хоногт Энэтхэгийн хүн ам 1,425,775,850 болж, Хятадыг гүйцнэ

Twitter Print
2023 оны 04-р сар 25-нд 12:57 цагт
Мэдээний зураг,

Энэ долоо хоногийн сүүл гэхэд Энэтхэг улс хүн амын тоогоороо БНХАУ-ыг гүйцнэ хэмээн НҮБ-аас мэдээлж байна. Судалгаагаар Энэтхэгийн хүн ам энэ долоо хоногт 1 425 775 850 хүрэх аж.

Өнгөрсөн долоо хоногт НҮБ-ын Хүн амын сан 2023 оны дунд үед Энэтхэг хүн амын тоогоороо Хятадыг гүйцнэ хэмээн мэдээлж байсан билээ.

Энэтхэг болон БНХАУ хоёрын нийт хүн ам дэлхийн нийт хүн амын 30 гаруй хувийг дангаараа эзэлсээр 70 гаруй жил болж байгаа билээ. НҮБ-ын Эдийн засаг, Нийгмийн асуудал хариуцсан албанаас, "БНХАУ удахгүй дэлхийн хамгийн их хүн амтай улс гэсэн статусаа алдана.

Гэхдээ хүн амын тоог урьдчилан таамаглах, дүн шинжилгээ хийхтэй холбоотой асуудлуудаас болж Энэтхэгийн хүн ам чухам хэзээ Хятадын хүн амыг давахыг тодорхой хэлэх боломжгүй." хэмээн мэдэгдсэн байна.

НҮБ-ын Хүн амын сан 2023 оны дунд гэхэд Энэтхэгийн хүн ам Хятадынхаас 2.9 саяар давна хэмээн таамаглаж байгаа аж.

Нөгөө талаас БНХАУ-д төрөлтийн тоо буурсантай холбоотойгоор 1961 оноос хойш анх удаагаа хүн амынх нь тоо буурсан ба энэ эрчээрээ явбал энэ зууны сүүл гэхэд хүн амынх нь тоо 1 тэрбумаас бага болох төлөвтэй байгаа аж.

Хятадтай харьцуулахад Энэтхэгийн хүн ам сүүлийн жилүүдэд тогтвортой өссөөр байгаа ч тус улсад 1950-аад онд нэг эмэгтэйд ноогдох төрөлтийн тоо 5.7 байсан бол өнөөдөр 2.2 болж буурсан байна.

Өнгөрсөн 11-р сард дэлхийн хүн амын тоо 8 тэрбумд хүрсэн ч дэлхийн хүн амын өсөлтийн хурд 1950 оноос хойш хамгийн удаанаараа өсөн нэмэгдэж байгаа аж.

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.