Инчоны наадмаар долоон тамирчин оргон зугтжээ

Twitter Print
2014 оны 11-р сар 07-нд 09:24 цагт
Мэдээний зураг,

Олимп, хөлбөмбөгийн дэлхийн аваргын үеэр тэмцээнд оролцохоор ирсэн улсын тамирчидаас оргож зугтах явдал нэг бус удаа гардаг. 2002 онд БНСУ-Японд хөлбөмбөгийн дэлхийн аварга болоход Камеруны нэг тамирчин шигшээ багаа орхин Өмнөд Солонгост харласан. Мөн 2010 онд ӨАБНУ-д болсон дэлхийн аваргын үеэр Хойд Солонгосын дөрвөн тамирчин хэсгийн хоёр дахь тоглолт болохоос өмнө зугтаж алга болжээ. Уг нь БНАСАУ эхний тулаанаа Бразилийн эсрэг хийж, маш сайн тоглосон. Тухайн үед 2:1-ээр хожигдоход Хойдууд маш их баярлаж, дараагийн Португалтай хийх тоглолтыг төв талбай дээрээ том дэлгэцээр иргэддээ үзүүлсэн. Гэтэл байдал эсрэгээрээ эргэж гол тоглогчид нь оргон зайлсан Хойд Солонгос “Европын Бразилчууд”-ад 7:0-ээр бут ниргүүлсэн юм. Энэ бүхнээс үүдэн оргон зайлсан хөлбөмбөгчдийн гэр бүлийхэн багагүй зовлон туулсан гэдэг.

Энэ бол маш тохиолдлын энгийн хэдэн жишээ. “Лондон 2012”-ын үеэр ч мөн Африкийн тамирчид оргон зайлж, Европт амьдрахыг хүссэн. Гэхдээ Камерун тэргүүтэй зарим орны тамирчид Олимп дуусахаас өмнө баригдсан юм.

БНСУ-ын Инчон хотод болсон Азийн наадмын үеэр зарим орны тамирчид оргон зайлсан тухай мэдээллэжээ. Одоогийн байдлаар долоон тамирчин зугтсан нь тогтоогдоод байна. Цагдаагийн ажилтнууд Балба, Шри-Ланка, Бангладеш, Палестин зэрэг орны долоон тамирчин сураггүй болсон тухай хэлсэн байна. Тэдний визийн хугацаа өнгөрсөн сарын 19-нд дууссан. Хэрэв баригдвал албадан нутаг буцаах хуультай аж.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.