Монголын ард түмэнд баярлаад буйн учир

Twitter Print
2020 оны 03-р сар 02-нд 19:56 цагт
Мэдээний зураг,

01. Хагас сарын өмнөхөн Италийн Ром хотын төв талбайд "Би вирус биш шүү" хэмээх бичиг барьсан эмэгтэй оюутанд хүмүүс ихэд дотносон хандаж тэврээд үнсэж байгаа бичлэгийг тар бүхэн харсан буй за. Харин одоо тэр эмэгтэй оюутан дахин тийм үйлдэл хийх бөгөөс амь нас нь баталгаагүй байж болох тухай гадаадын хэвлэл мэдээллийн хэрэгслээр шуугиж байна.

02. Хятад гэдэг нэр гадаадын зарим ухвар мөчид хүмүүсийн хувьд "Титэм вирустэй" дүйцэхүйц үг болон хувирснаар хятадуудыг гадуурхах, үзэн ядах явдал олон улс оронд цөөнгүй гарах болжээ. Италийн нэгэн супермаркетад дунд эргэм насны филиппин эрийг шартай шазруун залуу цохиод авч байгааг дорхи бичлэг дээр харж байна уу? Түүнийг хятад хүнтэй андуурснаас ийм асуудал үүссэн гэнэ. Өөрөөр хэлбэл ази гаралтай хүмүүс гадаад улс орнуудад Хятадуудын хомрогонд орж гадуурхагдах явдал цөөнгүй гарч байгаа болохоор Монголчууд минь ч гэсэн мэдээтэй байгаарай.

03. Итали улсад хятадын эсрэг үзэл ихэд газар авч гудамжаар манжийн үеийн хятад хувцас өмссөн хүмүүс зэрлэг ан амьтны махаар хоол хийж байгааг элэглэн дууриасан жагсаал хүртэл явж байгааг дараах бичлэг дээр харуулжээ. Нэг хятад хүүхэн 50 евро задлуулъя гээд зоогийн газар руу яваад ортол шууд толгой дундуур нь дарсны шилээр татаж аваад цусыг нь урсган хөөж гаргасан хэрэг гарсан гэнэ.

04. "Амны хаалт амины хаалт" болчихоод байгаа энэ цаг үед амны хаалт зүүснээсээ болоод аминаасаа салж мэдэх нөхцөл байдал үүснэ гэж хэн санах билээ. Америкийн нэгэн хотод амны хаалт зүүчихээд явж байсан хятад эмэгтэй рүү хар арьстан залуу улаан галзуу дайраад цохиж зодож байгааг та бүхэн доорхи бичлэг дээрээс хараарай.

05. Дотооддоо хүнд хэцүүг туулахын сацуу гадаадад байгаа олон сая хятад хүн энэ мэт гадуурхлыг амсаж байгаа нөхцөлд манай улсын ерөнхийлөгч айлчлан очоод 30 000 халуун хошуутай хонио бэлэглэхээр болсонд Хятадын ард түмэн төрийн тэргүүнээсээ авахуулаад магнай тэнийн баярлах нь аргагүй юм.

Д.Болдбаатар 

"Гэгээ" боловсролын төв 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.179.31.90) 2020-03-03 10:37
      • 1
      • 0

      Ази хятад хүмүүсийг дэлхий үзэн ядаж гадуурхаж байгаатай зэрэгцээд манай улсын дарга нарын дотооддоо авч буй арга хэмжээний үр дүнд УБ-хан хөдөөгийн биднийгээ бас л нэг иймэрхүү л харж харьцдаг, хөдөөний монголчууд улсын нийслэл орж гарахад хамаг байдгаа шалгуулсан, хорьж цагдуулсан, ОРК гэдэг нэрээр дуудуулсан харь хүмүүс болж байх шиг байна. Улаанбаатар гэж хөдөөнөөс хонины мах авч идэхгүй, хөдөөнийхөнийг бол нэг нүдээр харахгүй хятад тахианы махаар хоол хийсэн тусгай улс бололтой.

      Хариулах

    • Zochin

      (8.43.121.217) 2020-03-02 22:16
      • 1
      • 0

      Ene unen shuu.Azi tsaraitai humuusiig koronagaas iluu setgeleer unagaj bgaa yuwdal bol Hun gej ch bodoh ni bitii hel koronavirus taraagch bolgoj muuhai harj doromjilj zagnaj baihiim .

      Хариулах