Японы гүнж Мако найз залуутайгаа гэрлэлтээ батлууллаа

Twitter Print
2021 оны 10-р сар 27-нд 10:43 цагт
Мэдээний зураг,

Японы угсаа залгамжлагч хунтайж Фүмихито болон гүнж Кико нарын охин гүнж Мако сүйт залуу Кей Комүротойгоо мягмар гарагийн өглөө гэрлэлтээ албан ёсоор батлуулжээ.

Японы хуулиар Эзэн хааны гэр бүлийн эмэгтэй гишүүд жирийн иргэнтэй гэрлэсэн тохиолдолд хэргэм зэргээ хураалгадаг бол эрэгтэй гишүүд нь хэргэм зэргээ алдах эрсдэлгүй байдаг аж.

Гүнж Мако сүйт залуу Кей Комүротойгоо гэрлэхийн тулд хэргэм зэргээс гадна Эзэн хааны гэр бүлийн хуримын ёслолын зарим уламжлал, хүнтэй сууж ордноос явж буй Эзэн хааны гэр бүлийн эмэгтэй гишүүдэд ордноос өгдөг мөнгөн тэтгэмжээс тус тус татгалзсан байна.

Гүнж Мако мягмар гарагийн өглөө 10 цагт Токио дахь гэрээсээ гарахаасаа өмнө аав ээждээ мөргөн, дүү нараа тэвэрсэн хэмээн Киодо мэдээллийн сайтад бичжээ.

Хосууд АНУ-д амьдрахаар төлөвлөж байгаа ба Кей Комүро тус улсад хуульчийн мэргэжлээр ажилладаг аж. Үүнтэй холбоотойгоор олон нийт хосуудад "Японы Харри, Меган хоёр" хэмээх хоч өгөөд байгаа аж.

Хосууд 2017 онд сүй тавьж, 2018 онд гэрлэлтээ батлуулахаар төлөвлөөд байсан ч сүйт залуугийн ээж санхүүгийн асуудалтай гэх мэдээллээс болж, гэрлэлт нь хойшилсон аж.

Гэрлэлтээ албан ёсоор батлуулсаныхаа дараа хосууд хэвлэлийн бага хурал зохион байгуулах ч хосууд урьдчилж сонгосон 5 асуултанд л хариулах аж.

Эх сурвалж: BBC

Содномцэрэнгийн Энхзаяа 

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.