Хүүхдийг хэрхэн зураг зурах дуртай болгох вэ

Twitter Print
2020 оны 03-р сар 17-нд 11:25 цагт
Мэдээний зураг,

Хүүхэд зураг зурах дургүй эсвэл сонирхолгүй байна гэж бараг байдаггүй. Эцэг эх, багш, ах эгч нь сайн чиглүүлж эхлэхэд л хүүхэд аяандаа урам зориг аван, харандаа цаас “нийлүүлж” эхэлдэг.

Хүүхдүүд өөртэй нь ялгалгүй харьцах, эсвэл бяцхан "үл тоолтыг" ч андахгүй мэдэрдэг. Тиймээс, томчууд хүүхдүүдтэйгээ аль болох илэн далангуй, өөрийнх нь төсөөлөн боддог зүйлсийг нь хуваалцан, асууж, хариулж харьцвал тэдэнд илүү дотно санагддаг. Зураг зурхад мөн ялгаагүй, хүүхдийнхээ хажууд байж, зурж байгаа зүйлсийг нь чин сэтгэлээсээ сонирхон, улам их яриулж, зургийн үйл явдал, түүхийг нь илүү дэлгэрүүлж байвал хүүхдийн сэтгэлгээ төдий чинээ тэлнэ.

Мэдээж, эхний удаад хүүхдийн тань зураг танд таалагдахгүй байж болно л доо, гэхдээ хүүхдэд өөрийнх нь хийж буй зүйл талагдах нь хамгийн чухал. Тэд маш хурдан өсөж дэвждэг тул гол нь сайн харилцан яриа чухал юм. Бага насны хүүхдүүдэд хэт мэргэжлийн “Академик” сургалт хэрэггүй байдаг, түүнчлэн бэлэн болсон болоогүй цахим орчинд түгсэн “зураг” харуулж, хуулж зуруулах нь ч хүүхдийн өөрөөрөө хөгжих, өөрийгөө нээхэд саад болдог. Хүүхдэд хэрхэн яаж өөрийнхөө сэтгэлгээг тэлэх, түүн дээрээ мэдлэг олж авах нь чухал болохоос, бэлэн юм хуулж зурсанаар харин ч сэтгэлгээг нь түгжигдэж, улам "хайрцаглагддаг".

АМА Хүүхдийн Зургийн Дугуйлан-н зураг.

Хүүхэд болгон өөрийн гэсэн давтагдашгүй өнгө төрхтэй, өөрийгөө илэрхийлэх илэрхийлэмж нь ч өөр, тэднийг хэн нэгэнтэй харьцуулах, зурсан зургийг нь голох нь тэдэнд маш эмзэг тусдаг. Хэрэв, та хүүхдээ сайн зурж сургая гэж бодож байвал, өөрөө ч гэсэн тэдэнтэйгээ цагийг хамт өнгөрөөж, бяцхан оюун ухаанд нь ямар “үлгэр” байгааг харж, сонсоорой. 

Та, хүүхдийнхээ бүтээл хийх явцыг ажигласнаар, үрсийнхээ дотоод төсөөллийг ойлгож, тэнд нь ямар гайхамшигтай хийгээд анхаарал хандуулах зүйл байгааг олж харах боломжтой.

Ц.Соёлмаа

АМА Зургийн Дугуйлан

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.