Ноолуур, ноос, оёдол, сүү, хүлэмжийн аж ахуйн салбарыг эхний ээлжинд дэмжинэ

Twitter Print
2014 оны 11-р сар 03-нд 17:48 цагт
Мэдээний зураг,

"Бүтээн байгуулалтын цаг" уулзалтад Үйлдвэр, хөдөө аж ахуйн дэд сайд Б.Цогтгэрэл оролцож, хөнгөн үйлдвэрлэлийн салбарт хэрэгжүүлж буй төслүүдийн талаар танилцууллаа.

Ноолуур, ноос, оёдол, сүү, хүлэмжийн аж ахуй гэсэн тэргүүлэх таван чиглэлийн үйлдвэрлэлийг эхний ээлжинд дэмжих бодлого барьж, одоогийн байдлаар "Чингис" бондын эх үүсвэрээс 159 төсөлд 154 тэрбум төгрөгийн зээл олгоод байна. Импорт орлож, экспорт нэмэх 888 төслийн хүрээнд 2 тэрбум төгрөгөөс дээш дэмжлэг хүссэн хүнс, гэр ахуйн бараа, газар тариалан, сав баглаа боодол, ноос ноолуур, боловсруулах үйлдвэрлэлийн томоохон 15 төсөлд 109 тэрбум төгрөгийн зээл олгохоор батлагдсаны эхний санхүүжилтүүд эзэддээ очоод байна. Үүнээс гадна Засгийн газраас арьс ширний үйлдвэрлэлийг дэмжихээр баталсан 140 тэрбум төгрөгийн хөрөнгөөс 29 төсөлд 50 гаруй тэрбум төгрөгийн зээл олгосон байна гэж Үйлдвэр, хөдөө аж ахуйн дэд сайд Б.Цогтгэрэл хэллээ.

Шинэчлэлийн Засгийн газар үйлдвэржилтийн шинэ эринг зарласнаар наймааны биш үйлдвэрлэлийн сэтгэлгээ төлөвшиж эхэлсэн нь Монголын түүхэнд цоо шинэ хандлага юм гэж тэрбээр тодотголоо. Сүүлийн 2 сарын хугацаанд гэхэд Булган аймгийн Бүрэгхангай суманд төмрийн нойтон баяжмалын үйлдвэр, Эрдэнэт хотноо молибдены баяжмал боловсруулах үйлдвэр ашиглалтад орлоо. Нийслэлд уржигдар гутлын үйлдвэр, өнөөдөр яс боловсруулах үйлдвэр үүдээ нээлээ. Хаягдал яс боловсруулах үйлдвэрийг дагаад цаашид тос, гурил, кальци, саван, шампунь, шаазан эдлэл, бэлэг дурсгал гээд олон чиглэлийн үйлдвэр хөгжинө гэлээ.

888 төслийн санхүүжилтийг арилжааны банкуудаар дамжуулан олгож байгаа нь санхүүжилтийг удаашруулж байна гэсэн шүүмжлэл тасрахгүй байна. Банкууд шаардлагаа тавьж, эрсдлийн судалгаа хийсний үндсэн дээр зээл олгох нь төслийн санхүүжилтийг удаашруулж байгаа ч илүү сайн механизм манайд хараахан бүрдээгүй байна. Одоогийн байдлаар Хаан, Голомт банкууд хамгийн олон буюу 56-65 төсөлд зээл олгосон бол Худалдаа хөгжлийн банк хамгийн өндөр хэмжээний буюу 55 тэрбум төгрөгийн санхүүжилт гаргажээ. Өмнө нь төрөөс ийм хэмжээний дэмжлэг үзүүлж байсан туршлага байхгүй нөхцөлд хувийн хэвшил ч, арилжааны банкууд ч хамтын ажиллагааны зөв механизмд орж эхэлсэн нь дараа дараагийн ажлын сайн хөрс суурь бүрдүүлж байна гэж ҮХАА-н дэд сайд хэллээ.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Zochin

      (122.254.127.80) 2014-11-04 08:01
      • 0
      • 0

      Buregxangain tumriin xudriin uildver ch ni xyatduud barisiim.ET-iin molibdenii uildver ch ni urd ni Izrialuud baritsan baisiim bitgii xudlaa xunii xiisen yumiig xeleed bai yasnii uildveriig uursdiin xurunguur barisan yum bishuu.

      Хариулах

    • зочин

      (109.188.127.23) 2014-11-03 21:45
      • 0
      • 0

      Ноолуурынханд өгсөн түрүүчийн зээлүүд одоо барилга болоод хувирсан байгааг та бүхэн анхаараа ч. Тэр үед хэн хэн зээд авсан юу хийснийг нь асуу. шалга. дараа нь тэр зээлээ өгөөрэй.

      Хариулах