5428 тээврийн хэрэгсэлтэй 11809 зорчигч хулгайн замаар зорчихыг завджээ

Twitter Print
2020 оны 03-р сар 04-нд 12:25 цагт
Мэдээний зураг,

Тээврийн цагдаагийн албаны урьдчилан сэргийлэх хэлтсийн дарга, цагдаагийн хошууч Э.Энхболд зам нээсэнтэй холбоотой тээврийн хэрэгслийн хөдөлгөөний асуудлаар мэдээлэл өглөө. 

Тэрбээр "Өчигдөр /2020.03.03/ өглөөний 06.00 цагаас өнөөдөр /2020.003.04/ 08.00 цагийн хооронд Нийслэлийн шалган нэвтрүүлэх зургаан товчоогоор 31998 тээврийн хэрэгслээр 108772 иргэн нийслэл хот руу орж гарах хөдөлгөөн хийсэн. Эдгээрээс 20302 тээврийн хэрэгсэл нь 74308 зорчигчтойгоор нийслэл хот руу орон нутгаас  орж ирсэн байна. Харин Улаанбаатар хотоос 11696 тээврийн хэрэгсэлтэйгээр 34464 иргэн орон нутаг руу зорчсон байна. 

 Хөдөлгөөн нээхтэй холбоотойгоор үүсч болзошгүй нөхцөл байдалтай уялдуулан цагдаагийн байгууллагаас хот хоорондын улсын чанартай хатуу хучилттай авто зам дээр 98 цэгт хяналтын цэгийг байгуулан хяналт шалгалтыг хийж ажилласан. Үүний үр дүнд замын хөдөлгөөний дүрмээ жолоочид биелүүлэн зорчсоноос хүний амь нас хохирсон осол аваар бүртгэгдээгүй байна. Харин хурд хэтрүүлсэн 179 зөрчлийг илрүүлэн торгууль оногдуулж ажиллажээ. Мөн хүн тээвэр хэтрүүлсэн 102 жолоочид арга хэмжээ тооцож илүү зорчигчийг буулган зөрчлийг арилгуулсан аж. Түүнчлэн хүүхдийг буруу тээвэрлэсэн 50 жолоочид арга хэмжээ тооцсон.  

Хязгаарлалт тогтоосон хугацаанд 5428 тээврийн хэрэгсэлтэй 11809 зорчигч бүхий тээврийн хэрэгсэл хулгайн замаар зорчих гэсэн оролдлого гаргасныг илрүүлж буцаах арга хэмжээ авчээ. Мөн орон нутагт онцгой комиссын бичгийг ашиглан хууль бусаар хүн тээвэр хийх гэж байсан зөрчлийг илрүүлж арилгуулсан" гэв. 

Г.Ганаа

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.