Монголчууд эхний өдөр алт, мөнгө, хүрэл медаль хүртлээ

Twitter Print
2014 оны 11-р сар 02-нд 10:56 цагт
Мэдээний зураг,

АНЭУ-ын Аби Даби хотноо жүдо бөхийн “Их дуулга" тэмцээн болж байна. Энэ удаа 65 орны эрэгтэй, эмэгтэй 401 тамирчин өрсөлдөж байгаа аж. Ирэх 2016 онд Бразилийн Рио де Жанейро хотод болох зуны Олимпийн наадмын эрхийн оноо олгох чухал тэмцээн учир манай гарагийн шилдэг жүдочид хуран цугларчээ. Тэмцээний эхний өдөр эмэгтэйчүүдийн 48 кг-д дэлхийн болон Азийн наадмын аварга М.Уранцэцэг алтан медаль хүртлээ. Гавъяат тамирчин М.Уранцэцэг аваргын төлөө Унгарын бөхийг ялсан юм. Мөн эрэгтэйчүүдийн 60 кг-д дэлхийн аваргын мөнгөн медальт Д.Амартүвшин эхний тойрогт гоц мөргөж, хоёрдугаар тойрогт Эквадор, гуравдугаар тойрогт Казахстаны бөхийг цэвэр савж хэсгийн аварга болжээ. Улмаар мөнгөн медалийн төлөө Азербайжаны бөхийг цэвэр шидэж, аваргын төлөө шалгарч үлдсэн. Гэхдээ алтан медалийн төлөө Азербайжаны А.Сафаровт хожигдож мөнгөн медальтай тэмцээнээ дуусгалаа.

Эрэгтэйчүүдийн 60 кг-д барилдсан Монголын хоёр дахь бөх Г.Хэрлэн хэсгийн аварга болж мөнгөн медалийн төлөө Азербайжаны А.Сафаровт ялагдсан. Харин хүрэл медалийн төлөө Их Британийн М.Эшлиг барилдаан эхлээд 2:18 миунтанд цэвэр савж медалийн тавцанд зогсох эрхтэй болсон.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.