Дэлхийн шилдэг хаалгач Э.Ван дер Сар

Twitter Print
2014 оны 10-р сар 31-нд 07:20 цагт
Мэдээний зураг,

Голландын шигшээ багийн экс хаалгач Э.Ван дер Сар энэ сарын 29-нд 43 нас хүрлээ. Тэрээр Европын хамгийн нэр хүндтэй тэмцээн “Аваргуудын лиг”-т хоёр өөр багийн өмнөөс тоглон түрүүлж байсан цөөхөн хөлбөмбөгчдын нэг гэдгээрээ түүхэнд тодоор үлдсэн аж. 20 настайдаа “Аякс” клубт ирж байсан Ван Дер Сар түүнээс хойш Италийн “Ювентус”, Английн “Фулхэм”, “Манчестер Юнайтед” багуудад өөрийн нэрийг мөнхөлсөн аж.

“Аякс”-ын хамтаар 1994, 1995, 1996, 1998 онд Голландын аварга, 1995 онд “Аваргуудын лиг”-ийн аварга, 1992 оны “Европа лиг”-ийн аварга, 1995 онд Европын супер цомын аварга болж байсан. Харин Английн алдарт “Манчестер Юнайтед” клубт зургаан улирал тоглохдоо 2007, 2008, 2009, 2011 онд “Премьер лиг”-ийн аварга, 2008 онд “Аваргуудын лиг”-ийн аварга, 2006, 2009 онд хөлбөмбөгийн лигийн цомын аварга, 2008 онд клубуудын дэлхийн аваргад түрүүлсан юм. Мөн шигшээ багийн хамтаар 1996, 2000, 2004, 2008 оны Европын аварга, 1998, 2006 оны дэлхийн аваргад оролцсон.

Э.Ван дер Сарын тухай сонирхолтой баримтуудаас дурдвал эхнэр Кестелентэй 2006 оны тавдугаар сарын 20-нд Амстердам хотноо хуримаа хийжээ. 2005 оны зургаадугаар сарын 12-нд “Фулхэм” клубээс 2 сая фунтээр “Ман.Ю”-д ирэхэд дасгалжуулагч Сэр А.Фергусон “П.Шмейхелиэс хойш манай багт ирсэн хамгийн сайн хаалгач” гэж түүнийг багтаж байв. Түүнчлэн 2008-2009 оны улиралд “М.Ю”-гийн хаалгыг 1032 минутын турш гоол алдалгүй цэвэр манаж “Премьер лиг”-ийн рекордыг тогтоосон байна.

 

 

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.